Хытă хут, пластик, аккумулятор… Çакна тата ытти çӳп-çапа ăçта чикмелле? Шăпах çак тĕллевпе республикăра экотехнопарк йĕркелесшĕн.

Чăваш Ен Пуçлăхĕ Олег Николаев палăртнă тăрăх, ку лапам хытă каяшсене ĕçе ярассипе ĕçлекен бизнеса илĕртмелле. Проекта «ГазЭнергоСтрой» корпораци ĕçченĕсемпе сӳтсе явнă. Экотехнопарка хута яни çӳп-çап купин калăпăшĕ пысăкланасран пулăшасса, хытă каяшсене ĕçе ярса çут çанталăка сиен кӳрес шай чакасса шанать ЧР çут çанталăк ресурсĕсен тата экологи министрĕ Эмир Бедертдинов.