Айăплава пурнăçа кĕртекен федераллă службăн Чăваш Енри Управленийĕн çĕнĕ пуçлăх – Геннадий Шиндин. Унпа паян Чăваш Республикин Пуçлăхне Олег Николаева айăплава пурнăçа кĕртекен федераллă службăн директорĕ Аркадий Гостев паллаштарчĕ.

Геннадий Шиндин 46 çулта. Вăл шалти службăн полковникĕ. 2017 çултанпа айăплава пурнăçа кĕртекен федераллă службăн Мордва Республикинчи Управленийĕн ертӳçин çумĕ пулнă.

«Пĕрле тачă çыхăнса ĕçлес пирки иккĕленместĕп. Патшалăхăн влаç тата вырăнти хăйтытăмлăх органĕсем айăплава пурнăçа кĕртессипе ĕçлекен тытăмпа тухăçлă хутшăнусем йĕркеленĕ», – палăртрĕ Чăваш Ен Пуçлăхĕ Олег Николаев. Тĕл пулура суд йышăнăвĕпе ĕçлесе явап тыттарнă çынсем валли ĕç вырăнĕсем хатĕрлессине сӳтсе явнă. Кашни регионта сахалтан та çакнашкал 400 вырăн йĕркелемелле. Пирĕн тăрăхра юсанмалли ĕç центрĕсем 1, 3, 4, 8, 9–мĕш тĕрмесенче йĕркеленĕ. Вĕсем Улатăр хулинчи, Улатăр тата Вăрнар районĕсенчи предприятисенче ĕçлеççĕ