Республикăра пурăнакансем Ижевскра пулнă харушă инкеке чĕре патне илсе хурланаççĕ. Шупашкарти Республика лапамĕнче йĕркеленĕ асăну вырăнĕ патне çынсем кунĕпех килеççĕ, çурта çутаççĕ, чечексем хураççĕ.

Республика Пуçлăхĕ Олег Николаев та ним айăпсăр вилнисене асăнса чечек çыххи хучĕ, пĕр самант шăп тачĕ. Чăваш Енре пурăнакансем ачисене çухатнă ашшĕ-амăшĕпе, вĕсен тăванĕсемпе тата çывăх çыннисемпе пĕрле чунтан хурланаççĕ. Çухатăва нимпе те саплаштараймăн пулин те, йывăр самантра пĕрле пулни вай-хал парасса шанаççĕ. Аса илтеретĕп, ĕнер Ижевскра хĕç-пăшаллă арçын шкула кĕрсе 17 çынна персе вĕлернĕ, вĕсенчен 11-шĕ – ачасем .