Пĕр тĕвве пухăнчĕç. Çак кунсенче Шупашкарта «Ентешсен çăлтăрлăхĕ» пĕтĕм тĕнчери фестиваль иртет. Вăл искусствăра ĕçлекен, хальхи вăхăтра тĕнчен тĕрлĕ кĕтесĕнче пурăнакан ентешсене пĕрлештерет. Унта 11 артист тата 1 оркестр хутшăнать.

Пĕрремĕш хавхаланăва, вăй-хала вĕсем çуралса ӳснĕ вырăнтан – Чăваш Енрен илнĕ. Сăмах – тĕрлĕ тăрăхра ĕçлесе пурăнакан, искусствăра çитĕнӳ тăвакан, пултарулăхпа палăракан ентешсем çинчен. Тĕрлĕ сăлтава пула тăван тăрăхран уйрăлнă пулсан та чăвашлăх туйăмĕпе вĕсенче кунсеренех палăрать иккен.

АЛЕКСЕЙ ПЕТРОВ: «Мана питĕ савăнăçлă çакăн йышши фестивальсем, конкурссем Чăваш Республикинче ирттерни, питĕ лайăх япала. Регион тулашĕнче пурăнакан чăвашсемпе, тус-тăвансемпе яланах калаçатпăр, телефонпа та, интернет урлă та. Халь çыру çырмалла мар, вăл енчен лайăх».

Фестивале кăçал 3-мĕш хут йĕркелеççĕ. Вăл Чăваш Енри мухтавлă ентешсен çулталăкĕпе пĕр килни вара уйрăмах пĕлтерĕшлĕ.

– Сирĕнпе, паллах, питĕ хитре, питĕ илемлĕ кĕвĕсене итлĕпĕр. Çак кĕвĕсем пирĕн Чăваш Республикипе çыхăннă çăлтăрсем выляни, паллах, тата ытларах савăнтарать. Фестивальте ентешсем хăйсен пултарулăхĕпе паллаштарнипе пĕр танах юрă-кĕвĕ тĕнчипе кăсăкланакан çамрăксем валли çавра сĕтелсемпе ăсталăх лаççисем те ирттереççĕ.