«Чăваш Ен сăнĕсем»  ятлă курава Чăваш Республикин Пуҫлăхĕ Олег Николаев хутшăннă. Палăртнă проекта Паллă çынсен ҫулталăкне халалласа ирттернĕ.  Асăннă мероприятине пурнăҫа кĕртме Чăваш Республикинчи Ӳнерҫĕсен союзĕ республика грантне тивĕҫнĕ пулăшăва тĕпе хурса йĕркеленĕ.

Куравра республикăри художниксен союзĕн членĕсен ĕçĕсене - портретсемпе скульптурăсене - тăратнă. Çак ĕçсене тумашкăн республика грант уйăрнă.

«2022 ҫула Паллă ентешĕмĕрсен ҫулталăкне халалланă.  Пирĕн тăрăхра ҫуралса ӳснĕ ҫынсем тĕрлĕ сферăра ĕҫлесе пысăк кăтартусемпе палăрнă.  Тĕрлĕ вăхăтри паллă ентешĕмĕрсен паха ĕҫ опычĕсем паянхи пурнăҫ таппинче те питĕ пĕлтерĕшлĕ.  Кашнин хăйне евĕр пысăк истори. Вĕсене ҫитĕнекен ăру ăша хывса пурăнать, вĕсем пек хастар пулассишĕн ырми-канми вăй хурать.  Чылай пысăк ĕҫ туни куҫ кĕретех. Эпир мăнаҫлăн вĕсем пирки калама пултаратпăр.  Пуян наци, пирĕн ентешĕмĕрсен ĕҫĕ ĕмĕр асăмра», – ҫирĕплетсех каланă чăваш Республикин Пуҫлăхĕ Олег Николаев мероприятине пухăннисене саламланă май.

«Чăваш Енĕн ҫыннисем» проекта пурнăҫа кĕртме хутшăннă мĕнпур ҫынна Чăваш Республикин Пуҫлăхĕ мухтаса тав сăмахĕсем каланă.  Уйрăмах Чăваш Енри  Ӳнерҫĕсен союзĕ пысăк витĕм кӳнине палăртнă вăл сăмаха малалла тăснă май.  Чăваш ӳнерҫисен музейĕ паха материалсемпе пуянланнине асăннă вăл. Истори  пуянлăхĕ тĕп пуянлăх шутланнă ĕмĕрех пирĕн халăхăмăршăн. «Искусство урлă хамăр пирки пĕлтеретпĕр, пуянлăха та ҫирĕплетсе кăтартса парайратпăр.  Ҫитĕнекен ăрушăн эпир пурнăҫласа пыракан ĕҫсем уйрăмах пĕлтерĕшлĕ пулса тăрĕҫ, вĕсен ăс-хакăл тĕнчине те витĕм кӳме пулăшасси куҫ кĕретех пулĕ», – тесе каланă Чăваш Ен Пуҫлăхĕ Олег Николаев. «Чăваш Ен Правительстви ӳлĕмрен те искусствăна аталантарса пыма пулăшĕ.  Кирек-епле халăхшăн та йăла-йĕркепе культура тĕп пуянлăх пулса тăнă. Кун пирки эпир пурсăмăр та лайăх ăнланатпăр», – тесе сăмаха ҫавăрнă Чăваш Ен Пуҫлăхĕ Олег Николаев.     

 Сăрпа Хусан хӳтĕлев чиккисене тунă паттăрсене халалланă медальпе Константин Ефимов скульптора  савăнăҫлă лару-тăрура чысланă.  Ку хисепе ҫакăн пекех Альфред Ибрагимов – архитекторсен союзĕн пайташĕ, Владимир Нагорнов – Чăваш Енĕн Ӳнерҫĕсен союзĕн председателĕ тата Сергей Ювенальев – ӳнерҫĕ тивĕҫлĕ пулнă.  

Чăваш Енри Ӳнерҫĕсен союзĕн председателĕ, РФ тава тивĕҫлĕ художникĕ, Чăваш Республикин халăх художникĕ Владимир Нагорнов  хăйĕн сăмахĕнче, курава уҫнă май, регионта пурăнакансемшĕн паха материалсем хайланнине асăннă. Кунта килекенсем, чылай чаплă куравпа паллашма пултарассине те пĕлтернĕ.  Пĕр сăмахпа каласан, хăнасене валли курăмлă курав хатĕрлесе тăратнине асăннă вăл сăмаха малалла тăснă май.    Чăваш Енĕн социаллă пурнăҫĕпе экономикине пысăк тӳпе хывнă ентешĕмĕрсем пирки кăсăклă материалсем вырнаҫтарни те куҫ кĕретех тенĕ ертӳҫĕсем.  

Проектăн енрӳҫи, Чăваш Енри Ӳнерҫĕсен союзĕн председателĕн ҫумĕ Иван Александров курава пысăка хурса хакланă, кунта пĕтĕмпех кăсăклă та паха материалсем пухса вырнаҫтарнине хыпарланă.  Чăваш Енри ӳнерҫĕсен паха ĕҫĕсем чылай тенĕ.  «Курав пирĕн искусство епле чаплă пулнине ҫирĕплесе парать. Экспозицисене хатĕрленĕ чухне, хамăрăн пултаруллă ентешĕмĕрсен ĕҫĕсене пысăк хурса хакларăмăр», – тенĕ вăл сăмаха ҫавăрса. Ҫакнах мероприятине пухăннă мĕнпур халăх тепĕр хут ҫирĕплетсех каланă.