Йăлара, хуçалăхра усă курнă каяшсене тасатас, шыва юхтарса ямалли тытăма çĕнетес енĕпе ĕçлекен предприяти йĕркеленнĕренпе 55 çул çитрĕ.

Çак тытăмра тăрăшакансене республика Пуçлăхĕ Олег Николаев та саламларĕ. Предприятире 240 çын тăрăшать. 1967-мĕш çулта пĕрремĕш хут вăл хăйĕн ĕç-хĕлне пурнăçланă. Кăçалтан кунта республика экологине упрассипе çыхăннă тĕрлĕ проектсем ĕçе кĕртме пуçланă. Хальхи вăхăтра Вăрмарта каяшсене тасатакан сооружени тăваççĕ. Çавăн пекех Çĕрпӳре, Патăрьел районĕнче çĕнĕ объектсем хута каймалла. Республикăри строительство министерстви аталану çул-йĕр карттине хатĕрленĕ. Унпа килĕшӳллĕн çак предприяти тытăмне Улатăр, Вăрнар, Канаш, Пăрачкав, Çĕрпӳ тата Тăвай районĕсенчи шывсене, каяшсене тасатмалли объектсем те кĕреççĕ. Республика Пуçлăхĕ ку енĕпе нумай çул предприятире тăрăшса ĕçлекенсене чысларĕ.