Хаçат-журналта, радиора е телевиденире вай хурать-и журналист, вĕсем  пурте пĕр тĕллеве пурнăçлаççĕ – хăйсен яваплăхне туйса кашни пулăма, кашни пĕлтерĕшлĕ хыпара халăх патне витĕмлĕ те васкавлă илсе çитерме тăрăшаççĕ.  Кăрлач уйăхĕнче журналистсем, полиграфистсем, пичетпе ĕçлекенсем хăйсен профессиллĕ уявне паллă тăваççĕ.

Раççей пичет кунĕ умĕн Чăваш Республикин Журналистсен Союзĕн председательне Валерий Комиссарова студие чĕнтĕмĕр. «Чăваш Республикин тава тивĕçлĕ журналисчĕ» ят пулать-и? Профессиллĕ уява журналистсем мĕнле кăтартусемпе кĕтсе илеççĕ? Валерий Петрович нумай ыйтăва уçăмлатрĕ.