Республикăра пурăнакансем ятарлă çар операцине хутшăнакансене хастаррăн пулăшаççĕ. Çакна Чăваш Енĕн «Пĕрле» аталану фончĕ укçапа тулни те çирĕплетет. Республикăра пурăнакансемпе предприятисем «Хамăрăннисене пăрахмастпăр» ыркăмăллăх акци шайĕнче 40 миллион тенкĕ пуçтарнă. 32 миллион тенкĕллĕх пысăк пахалăхлă оборудованисем туяннă. Вĕсене çар чаçĕсене илсе çитернĕ.