«Раҫҫей 24» телеканалăн «Симĕс каçăм» программăра Чăваш Республикин Пуҫлăхĕ Олег Николаев республика тăнăҫлă аталанса пынине пĕлтертнĕ,  тĕп тĕллевсемпе паллаштарса хăварнă.  

Çанталăк условисене хăнăхса пырасси. Çĕршыв Правительстви кун пирки калакан иккĕмĕш плана çирĕплетнĕ. Паллах, регионсенче те çак документа хатĕрлеççĕ. Хальлĕхе 22 регионта план çирĕплетнĕ. 4 регионта унăн проекчĕ хатĕр. Пурĕ вунпĕр регион. Чăваш Енре ку ыйтупа иртнĕ çулах ĕçлеме пуçланă.  Кун пирки Раҫҫей Федерацийĕнчи кластерсемпе технопарксен Ассоциацийĕн кăтартăвĕсем те ҫирĕплетеҫҫĕ.

 Патшалăх политикин тĕп тĕллевĕсем пирки  те вăл документра пĕтĕмпех шута илнĕ,  ҫирĕп аталанса пымалли концепцине ҫирĕплетнĕ.  Ку тĕлĕшпе республика ытти субъектсемшĕн тĕслĕх вырăнĕнче  тесен те тен йăнăшах мар пулĕ.

Чăваш Республикин Пуҫлăхĕ Олег Николаев палăртса хăварнă тĕп кăтартусем пирки программăра  каласа хăварнă.       

Çанталăк условисене хăнăхса пырасси. Кулленех ҫанталăк ылмашăнсах пырать.  Ку  тĕп тĕрĕс.  Ҫавăнпа та эпир иртнĕ ҫул экономикăн адаптацийĕн планне пăхса тухса ҫирĕплетсе хăвартăмăр.  Климат улшăнăвĕсене те шута илнĕ.  Хăш-пĕр йывăрлăх кăларса тăратма  пултаркан пулăмсене пĕтĕмпех тĕплĕн тишкернĕ.

Çу кунĕнче юр çуни те пулать, хĕлĕпе пăрлă çумăр ӳкни те шар кăтартать. Çак ятарлă план çирĕплетме утăм тутарать. Мĕнле çухату пулать – ăна тишкермелле те. Çанталăк улшăннине шута илмелле, çав вăхăтрах экологи тĕлĕшĕнчен çухату ан пултăр тесе тăрăшмалла. Çавна май кадр ыйтăвĕ те хускалать. Ку специалист пур енлĕн тишкерсе региона малалла аталантарма май паракан çулсемпе паллаштармалла. Çанталăк условисене хăнăхса пырасси çинчен калакан планпа Чăваш Енре ĕçлеме пуçланă.  Çанталăк улшăнни пĕр енчен Раççейшĕн  тен лайăх та. Ял хуçалăх тытăмне вăйлăрах аталантарма пулать. Чăваш Енре хăмлапа тачăрах ĕçлеме май пур.

Климат улшăнăвĕсене тĕпе хурса, хамăрăн ĕҫсене епле пурнăҫласа пымаллине те тĕплĕн пăхса тухмалла.  Экологи лару-тăрăвĕ ҫине те тимлĕх уйăрмалла.    Паянхи пурнăҫа тивĕҫтерекен ыйтусене тĕпе хурса, пысăк технологисен витĕмлĕхĕпе усă курса мĕнпур ĕҫсене туса пымалла.  Пĕр сăмахпа каласан, хамăр ума лартнă тĕллевсене вăхăта вăраха тăсмасăр тĕплĕн пурнăҫламалла, яваплăха туймалла, тухăҫлăха ӳстерессишĕн ҫине тăрсах ĕҫлемелле.  Пирĕн экологи балансне пăсма ирĕк ҫук,  пирĕн ҫитес ăру валли  вĕсене упраса хăварма тăрăшмалла.   

Ҫирĕп аталану концепцийĕ – вăраха тăсăлса пыракан комплекслă план.  Ăна пурнăҫлассишĕн отрасльсен стратегийĕсем  те витĕм кӳрĕҫ.    Технологисене тĕпе хурса, бизнес сферинче тăрăшакансен  аталану ҫул-йĕрне тĕрĕс палăртма тăрăшмалла.  Кадр ыйтăвĕсене те тимлĕх уйăрмалла.  Пуҫаруллă проектсен витĕмлĕхĕ те пысăк пулмалла.  Пĕтĕмпех пĕр-пĕрипе ҫаксем тачă ҫыхăнса тăраҫҫĕ тесе  палăртса каланă сăмаха малалла тăснă май Чăваш Республикин Пуҫлăхĕ Олег Николаев.   Калас пулсан, кун пек ĕҫсене маларахри тапхăрта пачах та туса пыман тесен те юрать.  Тен ҫавăнпа та хальхи вăхăтра ятарлă хатĕр кадрсем ҫукки сисĕнет.  Апла пулсан, пирĕн пуласлăхра ку ыйтупа та ҫине тăрсах ĕҫлемелле тенĕ вăл.  

Ҫирĕп аталану концепцине пурнăҫа кĕртсе пынă май, хăш-пĕр уйрăм ĕҫсене туса ирттернĕ тесен те тен йăнăшах мар пулĕ.  Чăваш Республикин территорийĕнче шывсене тасатмалли сооруженисене тăвассипе хастар ĕҫе пуҫланă.  Хулара пĕр система, ял территорийĕсенче кăштах урăхла система пулса тухнă. Чăваш Ен хĕвел батарейисене тăвать.  Вĕсен КПД пысăк тесен те тен йăнăшах мар пулĕ.  Ҫитменнине тата ҫитес вăхăтсенче  хамăр тăрăхра ятарлă станци ĕҫлеттерсе яма шутланине те асăннă.  

Климат улшăнăвĕсем пирки сăмахланă май,  чи малтанах калас пулсан, эпир энерги перекетлеме май паракан технологисемпе ĕҫлетпĕр.  Йăлари хытă каяшсене пухса тирпейлессипе те ҫĕнĕлĕхсене кĕртсе пыратпăр, ҫӳп-ҫапа уйрăм суйласа тирпейлесе пыма тăрăшатпăр.  Тепĕр пысăк ĕҫсенчен пĕри – хамăр тăрăхра ҫĕр ĕҫченĕсем кирлĕ пек пахча ҫимĕҫе лартса ҫитĕнтерни, ял хуҫалăх валли уйăрнă ҫĕр лаптăкĕсене пусă ҫаврăнăшне кĕртессипе те яваплăха туйса ĕҫсене йĕркелесе пыма пикенетпĕр тесе сăмаха ҫавăрнă Чăваш Республикин Пуҫлăхĕ Олег Николаев.