Чӑваш Ен Пуҫлӑхӗ Олег Николаев «тӳрӗ лини» ирттересси паллӑ, вӑл раштав уйӑхӗн 22-мӗшӗнче пулать. Ӑна «Раҫҫей 24» телеканалпа курма пулать. Эфир 17 сехет те 30 минутра пуҫланӗ.

Эфира «Контактра» халӑх тетелӗнчи Олег Николаевӑн страницинче, «Чӑваш Республики» сообществӑра курма май пулӗ. Ыйтусене маларах Чӑваш Республикин Пуҫлӑхӗ телеграм-каналне яма, Патшалӑх пулӑшӑвӗсен порталӗ урлӑ регистрацилеме май пур. «Тӳрӗ эфир» вӑхӑтӗнче телефон ӗҫлӗ: 8 (8352) 565-100.

Республика Пуҫлӑхӗ Олег Николаев «тӳрӗ лини» эфирӗн вӑхӑтӗнче ҫулталӑка пӗтӗмлетӗ, социаллӑ пурнҫпа экономика аталанӑвӗн ҫул-йӗрӗпе тӗплен паллаштарӗ, халӑха кӑсӑклантаракан ыйтусем ҫине хуравлӗ, пуласлӑх валли палӑртнӑ тӗллевсем ҫинчен те каласа кӑтартӗ.