Мария Петровна мӗн ачаран ҫак ялта пурӑннӑ, ял-йышра пысӑк хисепе тивӗҫсе, кӳршӗ-аршӑсемшӗн тӗслӗх вырӑнӗнче пулса тӑнӑ. Ҫамрӑклӑхӗ унӑн питӗ ансат пулман, вӑрҫӑн тумхахлӑ ҫулӗсене курса, йывӑрлӑха тӳссе ирттермелле пулнӑ. Вӑл окоп та чавнӑ,  арҫынсемпе пӗр тан вӑрман та каснӑ, Хусанти чукун ҫул тунӑ ҫӗре те хутшӑннӑ. Йывӑр вӑхӑтсене халӗ те кинеми пӑшӑрханса аса илет. Ун чухне ӗҫлени паян чир-чӗре парӑнтарма йывӑр пулнине квалать.  Кӗлетке-ҫурӑм, алли-ури кулленех ыратать тесе те хыпарлать вӑл пире.

1945 ҫулта  вӑрҫӑ хирӗннчен таврӑннӑ Иван Рытов  унпа паллашма кӑмӑл тӑвать. Вӑхӑта вӑраха тӑсмасӑрах, чипер хӗре хӑйӗн мӑшӑрӗ пулма ыйтать. Туххӑмрах ҫӗнӗ ҫемье чӑмӑртанать. Вӗсем 6 ача ҫуратса ӳстернӗ. Халӗ Мария Петровна 11 мӑнукӗпе, кӗҫӗн мӑнукӗсемпе савӑнса пурӑнать.