Хисеплӗ Раççей  Федерацийӗн Сывлӑш çар вӑйӗсен çар çыннисем тата ветеранӗсем!

Сире уяв ячӗпе саламлатӑп!

Сывлӑш çар вӑйӗсем – Раççейӗн «тӳпери щичӗ». Эсир хӑрушлӑхпа тивӗçтерес ӗçе пӗлтерӗшлӗ тӳпе хыватӑр, пирӗн Тӑван çӗршывӑн сывлӑш чиккисене хӳтӗлетӗр.

Ҫар авиацийӗ, тӗнчери чи лайӑх техникӑна, малта пыракан наука ӗçӗсене кӑтартаканскер – Раççей мӑнаçӗ. Ку тӗлӗшпе Чӑваш Енӗн хӑйӗн уйрӑм витӗмӗ пур. Электронлӑ хатӗрсем тата авиаци  отраслӗ валли производство тытӑмӗсем хатӗрлесе çитерес ӗçе республика пысӑк тӳпе хывать. Шӑп та лӑп авионика вӗçев çул-йӗрне тӗрӗс хывассипе тата тӳпери хӑрушсӑрлӑхпа тивӗçтерет.

Тӳпери хӳтӗлевçӗсем кирек хӑш вӑхӑтра та професси пысӑк ӑсталӑхӗпе, чӑтамлӑхпа, хӑюлӑхпа, кӑмӑл çирӗплӗхӗпе уйрӑлса тӑнӑ. Паян эсир хӑвӑртан маларах çакнашкал çулпа утнисен ӗçне чыслӑн малалла тӑсатӑр, служба тивӗçне тата çапӑçури тӗллевсене пурнӑçланӑ май йӗркене çирӗп пӑхӑннине, хӑвӑра сапаланма паманнине кӑтартатӑр. Ятарлӑ çар операцийӗ çакна питӗ аван çирӗплетсе парать.

Ҫар летчикӗсене, штурмансене, мирлӗ тӳпе ветеранӗсемпе инженерӗсене тата паянхи уявпа çыхӑннӑ мӗн пур специалиста професси ӑсталӑхӗшӗн, хӑйӗн ӗçне парӑннӑшӑн тата Тӑван çӗршыв умӗнчи шанчӑклӑхшӑн  тав тӑватӑп.

Сире телей, ырлӑх, Тӑван çӗршыва ырӑ тӑвас ӗçре çӗнӗ çитӗнӳсем сунатӑп. Юнашар яланах шанчӑклӑ туссем пулччӑр, килте вара сире юратакан, ӑнланакан çывӑх çынсем кӗтчӗр!

Чӑваш Республикин Пуçлӑхӗ                                                             Олег Николаев