Кун пирки Чӑваш Ен Пҫлӑхӗ Олег Николаев Раҫҫей таварӗсене анлӑрах сарассипе палӑртнӑ ыйтӑва сӳтсе явма пухӑннӑ «ҫавра сӗтел» мелӗпе ирттернӗ калаҫу вӑхӑтӗнче каланӑ.  Мускавра Раҫҫей Федерацийӗн Патшалӑх канашӗн Президиумӗн анлӑ ларӑвнче ӗҫе пухӑннисем экспорта аталантарас ыйтӑва тарӑн тишкернӗ.  

«Хамӑрӑн ҫӗршывӑмӑрӑн таварӗсене анлӑрах сарас тӗлӗшпе, республикӑри бизнес-инкубаторсемпе, чи пысӑк предприятисенчен пӗринпе «Озонпа», пӗрле килӗшсе ӗҫлесси пирки калаҫса татӑлтӑмӑр. Унта пирӗн тӑрӑхра тирпейленсе тухакан таварсене «Чувашия БлагоДарит» брендпа тӑратма йышӑннӑ. Палӑртнӑ стиль туянакансене кӑсӑклантарассине шанатпӑр.  Авӑн уйӑхӗн 30-мӗшӗччен  кирек-епле предприниматель вӑл ӗҫе хутшӑнма заявка пама пултарайрать.  Палӑртма кӑмӑллӑ, паянхи куна калас пулсан, республикӑри 68 предприниматель хутшӑнма кӑмӑл туни пирки хыпар пур», – тесе палӑртнӑ хӑйӗн сӑмахӗнче Чӑваш Ен Пуҫлӑхӗ Олег Николаев.  

Виртуаллӑ сентресем ҫине кирек-епле предприниматель те хӑйсен таварӗсем пирки хыпарсене вырнаҫтарайрать. Тӗрлӗ тавара кирлӗ пек хитрелетсе вырнаҫтарасси кашнинчен хӑйӗнчен килет.  Кун пирки те палӑртса хӑварнӑ Чӑваш Республикин Экономика министерствин ӗҫчешӗсем.

«Регионӑн брендне анлӑрах сарни республикӑн экономикине аталанса вӑй илсе пыма витӗм кӳрет, инвестицине явӑҫтарма пулӑшать, наци культурине пӗлме, ӑна ӑша хывма май парать.  Тепӗр тесен, предпринимательсене хӑйсем пирки ыттисене пӗлтерме те аван.  Бизнес валли пӑхнӑ пуҫарӑвӑн пӗлтерӗшӗ питӗ паха. «Чувашия БлагоДарит» хамӑрӑн брендӑн платформине йӗркелесе яма Чӑваш Ен Пуҫлӑхӗ Олег Николаев хушӑвне тӗпе хурса пӗрле ӗҫлеме тӑрӑшӑпӑр», – тесе асӑнса хӑварнӑ хӑйӗн сӑмахӗнче  Чӑваш Республикин экономика министрӗ Дмитрий Краснов.  Чӑваш Республикин Инвестици порталӗн базинче хамӑрӑн брендсен куравӗн ӗҫне те пуҫарма ӗлкӗрнӗ. Тулли портала ҫулталӑк вӗҫлениччен ӗҫлеттерсе яма палӑртса хунӑ.  Вӑл вӑхӑт тӗлне 15 бренд пирки хыпарсем пулӗҫ.  2025 ҫул валли вара вӗсен шучӗ ҫирӗмрен те вӑтӑртан та иртесси куҫ кӗретех пулӗ.  Тӗнче шайӗнчи рынока тухма, экспорта сарма витӗм кӳрекен центр пулӑшнипе. пӗлтӗртенпе пӗр пине яхӑн вак тата вӑтам предпинимательлӗх пайӗнче тӑрӑшакансем ирӗк илнӗ.  «Ҫакнашкал пулӑшу  180 ытла контракт алӑ пусса ҫирӗплетме май панӑ», – тенӗ вӑл.

Тӗслӗх вырӑнне «Аркто» компани пирки асӑнса хӑварнӑ ертӳҫӗсем. Вӑл 2020 ҫулта уҫӑлнӑ. Вӗсем тирпейлесе кӑларакан холодильниксене пирӗн Раҫҫейре кӑна мар, ытти ҫӗршывсенче те хапӑл тусах йышӑнаҫҫӗ. «Лайм Эйч Ди» Шупашкарти онлайн-сервиссем те анлӑ сарӑлни никамшӑн та вӑртӑнлӑх мар. Кӑҫал «Хамӑрӑннисене пӗл» Пӗтӗм Раҫҫей шайӗнче иртекен ӑмӑртура Чӑваш Енрен 50 бренд хутшӑнма ирӗк илнӗ.