Кун пирки Узбекистан Республикин Хусан хулинчи Генеральнӑй консулӗ Нодиржон Касимов Чӑваш Ен Пуҫлӑхӗпе Олег Николаевпа ирттернӗ тӗлпулура  каланӑ.

 «Паян Чӑваш Ен Кашкадарьинский тата Бухарский облаҫӗсемпе килӗштерсе ӗҫлесси ҫинчен калакан килӗшӳсем ӗҫлеҫҫӗ, вӗсем тӑрӑх пӗрлехи мероприятисен планне туса кӑларас енӗпе пысӑк ӗҫ пырать. Узбекистанан ытти регионӗпе килӗштерсе ӗҫлес ыйтӑва хатӗррине палӑртас килет», – тенӗ вӑл.

 «Пирӗн ҫӗршывсен лидерӗсен  тӗллевӗсем –  пӗрле килӗштерсе ӗҫлемелли формӑсене  анлӑрах сарса пырасси. Тахҫантанпах тӗвӗленнӗ историллӗ туслӑха ҫирӗплетсе пырасси ыйту та кун йӗркинчех тӑрать. Килӗштерсе ӗҫлемелли ҫакӑн пек формӑсене тата та нумайлатса пыни аван.  Юлашки вӑхӑтра Узбекистанпа пӗр-пӗринпе содержаниллӗ хутшӑну пыни савӑнтарать. Пирӗн вӗренӳ пайӗнче хутшӑнусем йӗркеленнӗ, Узбекистанри студентсенчен чылайӑшӗ Чӑваш Енре вӗренет, республика пурнӑҫне хастар хутшӑнать, узбек диаспори  те лайӑх ӗҫлет регионта. Ҫакӑн пек контакт шучӗпе эпир ҫӗнӗ ҫул-йӗрсене те тухма пултаратпӑр. Кирлӗ пулсан, Узбекистана официаллӑ делегаципе хам та пырса курма шутлатӑп.  Килӗшӗве алӑ пуснӑ, малашне пӗрле ӗҫлессине анлӑлатса пыма тӗллев лартатпӑр» – палӑртнӑ Чӑваш Ен Пуҫлӑхӗ Олег Николаев.

Хальхи вӑхӑтра Чӑваш Республикин Министрсен Кабинечӗпе Кашкадарьинский, Бухарский облаҫӗсем пӗр-пӗринпе килӗшсе ӗҫлемелли ӗҫ хутне алӑ пусса ҫирӗплетнӗ. Суту-илӳпе экономика, социаллӑ тата культурӑпа гуманитари сферисенче килӗштерсе ӗҫлесси, Ҫӗнӗ Шупашкар хулипе Карша хули (Узбекистан Республики) хушшинче туслӑ хутшӑнусем йӗркелесси пирки килӗшӳсем йышӑнса хӑварнӑ.

Республика Пуҫлӑхӗ маларах палӑртнӑ энергетикӑсӑр, сывлӑх сыхлавӗпе туризмсӑр пуҫне пӗрле ӗҫлессин ҫӗнӗ ҫул-йӗрне шырама хатӗррине палӑртнӑ. «Ҫавӑнпа та ҫывӑх вӑхӑтра эпир пӗр-пӗринпе мӗнле хутшӑнса ӗҫленине тепӗр хут тишкерер те кирлӗ пек хыпарсене пухса пирӗн предприяти интересӗсем ҫине те тимлӗх уйӑрар», – тесе пӗтӗмлетнӗ регион Пуҫлӑхӗ Олег Николаев.

Тӗслӗхрен, Узбекистанра таварсене пуҫтаракан производствӑна, ҫав шутра электротехника кластерне узбек рынокӗ валли кӑна мар, Ази рынокӗсем валли те хатӗрлесе тӑратма шухӑш пур.

Нодиржон Касимов Генконсул икӗ енӗн бизнес-структурин, пӗр-пӗрин суту-илӗвӗн хутшӑнӑвӗсене хастарлатассине, ҫавӑн пекех Узбекистанпа Чӑваш Республики хушшинчи электротехника тата туризм отраслӗнче промышленноҫ кооперацине аталантармаллине, пӗр-пӗрин бизнес-миссийӗсене йӗркелемеллине, курав, ярмӑрккасем йӗркелесен аван пуласса шанса каланӑ.

Чӑваш Ен Экономика аталанӑвӗн министерстви пӗлтернӗ тӑрӑх, Ташкент хулинче ҫывӑх вӑхӑтсенче  бизнес-мисси  юпа уйӑхӗн 28-мӗшӗнчен пуҫласа 30-мӗшӗччен иртет.  «Экспорт пулӑшӑвӗн центрӗ»  АНО пулӑшнипе  мероприятине йӗркелеҫҫӗ.