Хаклӑ ветерансем, хисеплӗ пенсионерсем!

Пӗтӗм тӗнчери ватӑ ҫынсен кунӗ ячӗпе чун-чӗререн саламланине йышӑнсамӑр!

Чӑваш халӑхӗн ҫакӑн пек каларӑш пур:  «Ватта сума сӑвакан – хӑй те сумлӑ пулакан». Унта ваттисемпе ҫамрӑксен хушшинчи ҫыхӑнӑва тарӑннӑн, иртнипе малашлӑх хушшинчи сыпӑнулӑх пек кӑтартса панӑ. Ахальтен мар аслӑ ӑрӑва пулӑшасси – республикӑри социаллӑ политика ӗҫӗнчи чи пӗлтерӗшлӗ ыйту.

Чӑваш Енре кашни ҫулах аслӑ ҫулсенчи 180 пине яхӑн ҫын социаллӑ ӗҫченсем кӳрекен пулӑшупа усӑ курать. «Ман социаллӑ центр» витӗмӗпе хастарлӑ вӑрӑм ӗмӗр хутлӑхӗнче ҫӗнӗ клуб анлӑхӗсем йӗркеленеҫҫӗ. «Кӗмӗл» волонтерсен юхӑмӗ вӑй илсе пырать, унӑн йышӗнче пурнӑҫра пуян та паха опыт пухнӑ пултаруллӑ  ҫынсем, вӗсем хӑйсен ӑсталӑхӗпе ыттисене туллин паллаштараҫҫӗ.

Хисеплӗ те сумлӑ ватӑсене чыс тумалли кунра сире чӑтӑмлӑхӑршӑн, иксӗлми ырӑ кӑмӑлӑршӑн, тараватлӑхӑршӑн чунтан тав тӑватӑп. Сирӗн профессири ҫӗнтерӗвӗрсем, пуян опытӑр, пултарулӑх енӗпе тунӑ ҫитӗнӗвӗрсем – регионӑн малашнехи аталанӑвӗн шанчӑклӑ ҫирӗп никӗсӗ.

Эсир аслӑ та мӑнаҫлӑ ҫӗршыв йӗркеленӗ, ӑрусем пӑхса ҫитӗнтернӗ. Пирӗншӗн эсир – хастарлӑхпа паттӑрлӑхӑн тата патриотлӑхӑн ырӑ тӗслӗхӗ.

Пурсӑра та, тивӗҫлӗ канӑва тухнисене те, ҫулӗсене пӑхмасӑр малалла ӗҫлекенсене те, уяв ячӗпе! Сире пӗтӗм кӑмӑлтан ҫирӗп сывлӑх, савӑнӑҫ тата чун ӑшшине сунатӑп!

Чӑваш Республики Пуҫлӑхӗ                Олег Николаев