Чӑваш Республикин Пуҫлӑхӗ Олег Николаев патшалӑх наградине, А.В. Данилова «Чӑваш Республики умӗнчи тава тивӗҫлӗ ӗҫсемшӗн» орден медалӗпе сӑнарлӑ искусствӑри тава тивӗҫлӗ ӗҫсемшӗн тата пултарулӑх енӗпе нумай ҫул ӑнӑҫлӑ ӗҫленӗшӗн  паллӑ ентешӗмӗрӗн – юбилярӑн, Чӑваш халӑх ӳнерҫин ятарлӑ куравӗнче парса чысланӑ.  

 Анатолий Васильевич Даниловӑн – «И.Я. Яковлев ячӗллӗ Чӑваш патшалӑх педагогика университечӗ» аслӑ пӗлӳ паракан федераци патшалӑх бюджет вӗренӳ учрежденийӗн кафедра профессорӗн, педагогика наукисен кандидачӗн ӗҫне пысӑка хурса хакланӑ Чӑваш Ен Ертӳҫи.

 Ку хутӗнче паллӑ курава автор 70 ҫул тултарнине тата Раҫҫейри Ҫемье ҫулталӑкне халалласа йӗркеленӗ.  Паллӑ пулӑма Шупашкарти Халӑх туслӑхӗн ҫуртӗне халӑх йышлӑн пухӑннӑ, унӑн ӗҫне пысӑка хурса хакланӑ.  

 Мероприятине пухӑннисене саламланӑ май, Чӑваш Республикин Пуҫлӑхӗ Олег Николаев ҫапларах каланӑ: «Эпир хаваспах ҫак мероприятине килсе курма кӑмӑл турӑмӑр.  Кунта кураври ӳкерчӗксем пурин кӑмӑлне те тултарассине пӗлсех тӑратпӑр.  Хӑшӗ-пӗрисемпе эпир ку темӗн паллашма та ӗлкӗрнӗ, пур-пӗрех курав хӑйӗн патне илӗртет. Кашнинчех ҫӗнӗрен те ҫӗнӗ хайлавсемпе паллашма май пур.  Хӑйне евӗр илемлӗх тӗнчи хӑй патне куракансене йыхравлани куҫ кӗретех. Асӑннӑ тапхӑр вӑхӑтӗнче художник сахал мар студентсене илемлӗх тӗнчине туйма, ӑна ӑша хывма вӗрентнӗ.  Темӗнле йывӑр саманара та, тӗнчене илемлӗх ҫӑлса хӑварма пултарайрать.  Раҫҫей Федерацийӗпе пӗрлешнӗ ҫӗнӗ регионсемшӗн, урӑмах Крымшӑн та пӗлтершлӗ. Вӗсене илемлӗх тӗнчине курма май парать», – тенӗ вӑл.   

 Халӑх ӳнерҫи ҫӗршыв пурнӑҫне ҫутатса пама тӑрӑшать, мӗнпур халӑха пӗр чӑмӑра пухӑнса пӗр-пӗринпе туслӑ пурӑнма,  пӗрне-пӗри хисеплеме, илемлӗхе тата та лайӑхрах туйма вӗрентсе пырать.

Анатолий Данилов курав валли тӗрлӗ хайлав хатӗрленӗ, ҫут ҫанталӑка, ҫынсене хӑйне евӗр калӑпласа халӑх патне илсе ҫитерме тӑрӑшнӑ.  Раҫҫейӗн тӗрлӗ кӗтесӗнчи вырӑнсене ҫав тери сӑнарлӑ ӳкерсе , халӑхӑн кӑмӑлне тултарас тесе тӑрӑшнӑ автор.

Асӑннӑ мероприятине пухӑннисене  И. Яковлев ячӗлӗ Чӑваш патшалӑх педагогика университетӗнче ӑс пухакансем хӑйсен пултаруллӑхӗпе савӑнтарнӑ.

Палӑртса хӑваратпӑр, енчен те эсир те куравпа паллашас тетӗр пулсан, вӑл ҫӳлерех асӑнса хӑварнӑ ҫуртра чӳк уйӑхӗн 15-мӗшӗчченех ӗҫлет.