Республикӑн нормативлӑ право акчӗсене кирлӗ хушӑмсене Олег Николаев Чӑваш Енӗн ГКЧСне 2025 ҫулхи шыва кӗмелли сезон пуҫланиччен оперативлӑ хатӗрлеме хушнӑ. Кирлӗ пулсан,  Раҫҫей Федерацийӗн ытти субъекчӗсен лайӑх опытне тишкерме чӗнсе каланӑ вӑл сӑмаха малалла тӑснӑ май.

Ҫакӑн пек  сӗнӗве  республика Пуҫлӑхӗ чрезвычайлӑ лару-тӑрӑва асӑрхаттарас тата пӗтерес тата республикӑра пушар хӑрушсӑрлӑхӗпе тивӗҫтерес енӗпе ӗҫлекен комисси ларӑвӗнче  каланӑ.   Ларӑва пухӑннисем 2024 ҫулхи шыва кӗмелли сезон пӗтӗмлетӗвӗсене тата шыв объекчӗсенчи ҫынсене хӑрушсӑрлӑхпа тивӗҫтерес енӗпе йышӑнакан мерӑсене пӑхса тухнӑ.

Раҫҫей МЧСӗн Чӑваш Республикинчи тӗп управленийӗн пай пуҫлӑхӗ Герман Майков   граждансен кӗсменпе ишмелли хӑмасемпе усӑ курса канасси Шупашкар хулинче пысӑк йывӑрлӑх кӑларса тӑратнине асӑннӑ хӑйӗн докладӗнче.  «Асӑннӑ спорт хатӗрӗпе усӑ курса канакансем ҫӑлӑнӑҫ жилечӗсемсӗр шыв ҫине тухни куҫ кӗретех. Чылай чухне ҫынсем каҫ кӳлӗм  карап ҫӳремелли вырӑнсенче ишме кӑмӑл тун те сисӗнет. Талӑкӑн тӗттӗм вӑхӑтӗнче  шӑпах та, тепре чухне пӑтӑрмахсем ҫынсемпе сиксе тухнине курма пулать», – тенӗ вӑл.

Ҫуллахи шыва кӗмелли тапхӑрта пурӗ шыв объекчӗсенче вилнисен шучӗ ӳсни паллӑ, кӑтарту 28 ҫынна ҫитнӗ. Ӳсӗрӗлсе вилнисен шучӗ икӗ хут ӳснине  те асӑнса хӑварнӑ вӑл, 16 ҫын таран пулнине пӗлтернӗ.

Пай пуҫлӑхӗ хула ҫыннисене хӑтлӑ та хӑрушсӑр канма пляж хатӗрлес тӗлӗшпе Ҫӗнӗ Шупашкар хула администрацийӗн ӗҫне лайӑх хак панӑ. Иртнӗ тапхӑрта пӗр пӑтӑрмах та шыв ҫинче пулманнине ҫирӗплетнӗ, пурнӑҫран вӑхӑтсӑр уйрӑлса кайнӑ тӗслӗхсем ҫук тесе ҫирӗплетнӗ.