Чӑваш Ен Пуҫлӑхӗ Олег Николаев «Виртуаллӑ социаллӑ картта» цифра сервисне пурнӑҫа кӗртессипе Раҫҫей Цифра министерствин проектне республика пилотлӑ регион пулса кӗме килӗшнине ырланӑ.   Ӑна пурнӑҫлама 2025 ҫулта пуҫлаҫҫӗ. Раҫҫей Федерацийӗн субъекчӗсенче системӑна анлӑлатма 2026 ҫул валли палӑртса хунӑ.

 «Виртуаллӑ социаллӑ картта» цифрӑллӑ сервис проектне (ВСК) кӑҫалхи ака уйӑхӗнче хатӗрленӗ. Раҫҫей Федерацин цифра аталанӑвӗн, ҫыхӑну тата массӑллӑ коммуникацисен министерстви сервис (платформа) саккас тунӑ.

 «Эпир Чӑваш Ене ҫак пуҫарӑва апробацилеме пилотлӑ регион тума хатӗр. Пирӗн виҫӗ ҫул-йӗр пур – транспорт ҫинче тӳлев картти, куракан картти тата «Ҫемье навигаторӗ». Эпир хатӗрлекен стадире тӑратпӑр пулсан, пилот шайӗнче пире пурне те тӗрӗс тума хистет. Апла пулсан, атьӑр-ха, хамӑра валли ҫакӑн пек тӗллев лартар. Пирӗн тӗллев – граждансене патшалӑх пулӑшӑвӗпе тивӗҫтересси. Вӑхӑта перекетлеме пӗлесси.  Кашни ҫемьен хӑйне шанса панӑ ҫӑмӑллӑхсемпе усӑ курма май пурри пӗлтерӗшлӗ», – тенӗ Чӑваш Ен Пуҫлӑхӗ Олег Николаев.

Раҫҫей Цифра министерствин цифра идентификацийӗн технологийӗсен аталанӑвӗн департаменчӗн директорӗн ҫумӗ Никита Васильев пӗлтернӗ тӑрӑх, платформӑпа автоматизацилекен пурнӑҫри лару-тӑрусен переченьне транспортпа ҫӑмӑллӑхлӑ ҫул ҫӳрев, ҫӑмӑллӑхлӑ апатлану (вӗрентӳ организацийӗсемпе сӗт кухни), вӗрентӳ организацийӗсенче идентификаци, культура объекчӗсемпе мероприятийӗсене ҫитсе килессине кӗртӗҫ тенӗ.

 «Асӑннӑ хатӗр Раҫҫейре 70 млн граждан кирлӗ пулма пултарать. Ҫынсем хӑйсене ҫӑмӑллӑхсем пама пултарни пирки пӗлме пултарни питӗ пӗлтерӗшлӗ. Урӑхла каласан,  тӗслӗхрен, 3-мӗш ача ҫуралать,  тӳрех ҫемье виртуаллӑ социаллӑ картта хатӗрлеме пултарать», – тенӗ вӑл.

Платформӑна пула «Патшалӑх пулӑшӑвӗсем» порталта наци тӳлев системин банк карттине ҫыхӑнтарма майсем пулӗҫ. Банк карттипе усӑ курса  тӗрлӗ ҫӑмӑллӑхсем пирки те пӗлме меллӗ пулӗ. Граждансене пулӑшу панӑ чухне онлайн-идентификацилеме ВСК-па усӑ курни те куҫ кӗретех пуласси паллӑ.

 «Социаллӑ  пулӑшусене цифровизацилесси – пирӗн граждансемшӗн хӑтлӑ хутлӑх туса хурасси пысӑк пӗлтерӗшлӗ утӑм. «Ҫемье навигаторӗ» платформа Чӑваш Енре пурӑнакансене ҫӑмӑллӑхсем пирки  хыпарсене пӗлме хӑвӑрт пулӗ, условисем те меллӗ пуласси никама та иккӗлентермӗ. Ҫак проект ҫынсен пурнӑҫне лайӑхлатма, пӗрне-пӗри тата та аванрах ӑнланма пулӑшасса шанатпӑр», – тенӗ  Чӑваш Республикин цифра аталанӑвӗн министрӗ Михаил Степанов.

Чӑваш Республикин ӗҫ тӑвакан органӗсен Комплекслӑ планӗнче Чӑваш Ен Пуҫлӑхӗн Патшалӑх Канашне тухнӑ Ҫырӑва пурнӑҫа  кӗртессипе ҫыхӑннине асӑннӑ вӑл сӑмаха малалла тӑсса.  «Ҫемье навигаторӗ» евӗр платформӑн регион шайӗнче йӗркелемелли проекта ҫирӗплетни ҫинчен хушса каланӑ: «Ҫав вӑхӑтрах республика проекчӗ цифра сервисне федераци шайӗнче тума палӑртнӑ функционала «Виртуаллӑ социаллӑ карттӑпа» тӳр килнине асӑннӑ.

 Аса илтеретпӗр, Ҫырура Олег Николаев ҫапла палӑртнӑ: «Пулӑшу мерисен шучӗ тата вӗсен калӑпӑшӗ ҫулран ҫул ӳссе пырать. Ҫавна май икӗ ҫул хушшинче Чӑваш Енре «Ҫемье навигаторне» цифра сервисне хатӗрлесе ӗҫе кӗртме тӗллев лартатӑп. Вӑл пулӑшнипе ҫемьесем валли пулӑшу тата ҫӑмӑллӑхсем, культурӑпа спорт организацийӗсенче иртекен мероприятисем ҫинчен пӗлме, психологи пулӑшӑвӗ, юридици консультациийӗ илме май пулӗ», – тенӗ.