Чӑваш Республикин транспорт отраслӗн хисеплӗ ӗҫченӗсем

тата ветеранӗсем!

 Сире Автомобиль тата  хулари пассажир транспорчӗн ӗҫченӗн кунӗ ячӗпе саламлатӑп!

 Паян республикӑн транспорт инфратытӑмне аталантарасси ҫине уйрӑмах пысӑк тимлӗх уйӑратпӑр – общество транспорчӗн паркӗ ҫӗнелет, маршрутсемпе ку чухнехи, экологи тӗлӗшӗнчен сиенсӗр те меллӗ троллейбуссемпе автобуссем ҫула тухаҫҫӗ. Шупашкар троллейбуссемпе усӑ курассин тӳпи енӗпе Раҫҫейре пӗрремӗш вырӑн йышӑнать. Кӑҫал эпир троллейбус ҫӳревӗ 60 ҫул тултарнине паллӑ тӑватпӑр.

Республика 153 троллейбус туяннӑ, вӗсенчен пӗр пайӗ маршрутсене тухнӑ та ӗнтӗ. Кӑҫал Ҫӗнӗ Шупашкарти троллейбус паркӗ пӗтӗмпех ҫӗнелчӗ, Шупашкарпа спутник хула хушшинче муниципалитетсем хушшинчи маршрут хута кайрӗ.

 Кирек хӑш отраслӗн те тӗп пуянлӑхӗ – унта ӗҫлекен ҫынсем. Эсир пысӑк проектсене пурнӑҫа кӗртетӗр, транспорт кӑлтӑксӑр ӗҫлессине, пассажирсемпе грузсене хӑрушсӑрлӑхсӑр турттарассине тивӗҫтеретӗр. Ҫакна эсир пысӑк ӑсталӑхпа тӑватӑр. Сирӗн ҫитӗнӗвӗрсем те ҫавнах ҫирӗплетеҫҫӗ. Пӗтӗм Раҫҫейри «Раҫҫейри чи лайӑх такси водителӗ» VI конкурс ҫӗнтерӳҫине Артур Михайлова, Пӗтӗм Раҫҫейри «Чи лайӑх троллейбус водителӗ» XXI конкурс призерне, 28 ҫул ӗнтӗ троллейбус водителӗнче ӗҫлекен тата «Аварисӗр ҫӳревшӗн» кӑкӑр паллине тивӗҫнӗ Эдуард Арсентьева, ҫавӑн пекех Пӗтӗм Раҫҫейри професси ӑсталӑхӗн «Чи лайӑх грузовик водителӗ – 2024»  конкурсӑн «10 тоннӑран ытларах» категорири призерне Александр Анисимова уйрӑммӑн палӑртса хӑварас тетӗп. Вӗсен тӑрӑшулӑхӗпе ӗҫченлӗхне пула Чӑваш ҫӗрӗ хӑйне пӗрремӗш класлӑ водительсемлӗ регион пек кӑтартса пачӗ.

Транспорт комплексӗн пуласлӑхӗ отрасльте ӗҫлекен кашни ҫыннӑн професси ӑсталӑхӗнчен, унӑн пысӑк яваплӑхӗнчен тата кӑткӑс ыйтусене татса пама пӗлнинчен килет.

Сире ҫирӗп сывлӑх тата професси ҫитӗнӗвӗсем сунатӑп. Водительсем калашле: «Такӑр та телейлӗ ҫул пултӑр!»

Чӑваш Республикин

          Пуҫлӑхӗ                                                                                                           Олег Николаев