Чӑваш Ен Пуҫлӑхӗ Олег Николаев  чӳк уйӑхӗн 28-мӗшӗнче черетлӗ «тӳрӗ лини»  мелӗпе уҫӑ калаҫу ирттерет, республика аталанӑвӗн  ҫул-йӗрӗсемпе паллаштарать, малашлӑх тӗллевӗсем пирки каласа кӑтартать.

 Халӑхран йышӑнакан тата килсе ҫитекен мӗнпур ыйтӑва тӗрӗслеве илӗҫ, вӑхӑтра кирлӗ пек хуравсем парӗҫ.

Республикӑра пурӑнакансемпе тӳрремӗн ҫыхӑну тытни, вӗсен шухӑш-кӑмӑлне пӗлме май пулни - пӗлтерӗшлӗ. Йывӑрлӑх кӑларса тӑратакан ыйтусене туххӑмрах пӗлсе,  тивӗҫлӗ шайра татса пани паха.

 Чӑваш Ене тата та лайӑхрах аталантарас тесессӗн, пирӗнтен кашнин пысӑк тӳпе хывмалла.

Тӳрӗ эфир мелӗпе тухакан кӑларӑма регион Пуҫлӑхӗн  телеграм-каналӗнче, «Контактри» унӑн страницинче, «Чӑваш Республики» сообществӑра, Наци телекуравӗпе курма, Наци радиовӗпе (95. 9 FM) тата «Тӑван радиопа» (100. 3 FM)  итлеме май пулӗ. Ыйтусене Патшалӑх пулӑшӑвӗсен порталӗ урлӑ вырнаҫтарма, пост-анонс айӗнче комментари хӑварма юрать.

Текста «Хыпар» хаҫатра тата «Чӑвашинформ» информаци агентствин ресурсӗсенче  вырнаҫтарӗҫ.

Эфир каҫхине 18:00 сехетре пуҫланать.