Хисеплӗ налук органӗсен ӗçченӗсемпе ветеранӗсем!

  Сире професси уявӗпе – Раççей Федерацийӗн налук органӗсен ӗçченӗсен кунӗпе – саламлатӑп!

Налук служби – патшалӑх тытӑмӗн питех те кирлӗ пайӗ. Вӑл çӗршыв кал-кал аталанассине тата кашни гражданинӑн пурнӑç пахалӑхне тивӗçтерет.

Ку ведомство – вӗренӳри, сывлӑх сыхлавӗнчи, социаллӑ пулӑшури, çавӑн пекех экономика, инфратытӑм, оборона сферисенчи программӑсем валли укçа-тенкӗ уйӑрассин гаранчӗ.

Эсир бизнеса тытса пымашкӑн хӑтлӑ хутлӑх йӗркелеме пулӑшатӑр. Хальхи вахӑтри информаци технологийӗсемпе тухӑçлӑ усӑ курнӑран налуксене тӳлес ӗç хальчченхинчен меллӗрех те уççӑнрах пулса пырать, административлӑ процедурӑсем ансатланаççӗ, патшалӑх пулӑшӑвӗн ыйтӑвӗсене тивӗçтерессин срокӗсем кӗскелеççӗ, нумай ыйтӑва онлайн мелӗпе татса пама май килет.

2025 çулта республикӑра налук хурассин ансатлатнӑ системи автомат мелӗпе ӗçлеме тытӑнӗ. Хӑй тӗллӗн ӗçлекенсен тупӑшӗ урӑхларах налук йӗркин чи пӗчӗк кӑтартӑвӗ патне кармашать тӗк ун пеккисене çӗнӗ режим отчет парассинчен хӑтарӗ, налуксем хӑйсене хӑйсемех шута илӗнӗç.  

Эсир ывӑнмасӑр ӗçлени бюджетӑн мӗн пур шайне пӗр тикӗссӗн пуянлатса пымашкӑн май парать. 2024 çулхи 10 уйӑхра пурӗ 142 миллиард тенкӗ таран налукпа страховани укçи пухӑннӑ. Пӗлтӗрхи çакнашкал тапхӑрпа танлаштарсан вӗсем 23 процент ӳснӗ, укçа-тенкӗ калӑпӑшӗпе палӑртас тӑк çакӑ 27 миллион тенкӗне яхӑн.

Налук тупӑшӗ кал-кал ӳссе пынине кура Чӑваш Ен çыннисен социаллӑ тивӗçӗсем, республикӑн тата муниципаллӑ пӗрлӗхсен программисем пурнӑçа кӗреççӗ, ятарлӑ çар операцине хутшӑнакансене тата вӗсен çемйисенчи çынсене пур енлӗн пулӑшма май килет.

Налук службин ветеранӗсене хисепленине палӑртса уйрӑммӑн тав тӑватӑп. Сирӗн пуян опытӑр çамрӑк ӗçтешӗрсене професси вӑрттӑнлӑхӗсене алла илсе пымашкӑн пулӑшать, ӗçе парӑнса пурнӑçласа пыни – вӗсемшӗн тӗслӗх вырӑненче.

 Налук службин ӗсченӗсене çирӗп сывлӑх, профессире çитӗнӳсем, тӗллевсене пурнӑçа кӗртме сунатӑп!

Чӑваш Республикин Пуçлӑхӗ                                             О. Николаев