Ку хутӗнче Чӑваш Ен Пуҫлӑхӗ Олег Николаев халӑхпа тӳрӗ лини мелӗпе ирттернӗ уҫӑ калаҫу 22-мӗш хут ирттнӗ, вӑл   2 сехет те 16 минута тӑсӑлнӑ.

Трансляцие Чӑваш Ен Наци телекуравӗн эфирӗнче, Наци радиовӗн хумӗсем ҫинче тата «Тӑван радио», «Олег Николаев | Чувашия» телеграм-каналӗнче, «Олег Николаев» страницинче тата «Чувашская Республика» пӗрлешӳре ВКонтактри социаллӑ сетьре курма май килнӗ.

Тӳрӗ эфир пынӑ май Олег Николаев 36 ыйтӑва хуравланӑ. ЖКХ тата инженери инфратытӑм енӗпе ытларах ыйтусем пулнӑ – шывпа тивӗҫтересси, тасатмалли сооруженисем, коммуналлӑ пулӑшу ӗҫӗсем. Ҫул-йӗр юсасси тата ҫул-йӗр хӑрушсӑрлӑхӗ пирки чылай ыту хускатнӑ.  Ял ҫыннисем хӑйсене хумхантаракан ыйтусемпе, уйрӑммӑн илсен, пуҫаруллӑ бюджетированипе, харпӑр хӑй  хуҫалӑхсенче туса илекен таварсен хакӗсем пӗчӗк пулни пирки шӑнкӑравласа хыпарланӑ регион Пуҫлӑхне.

Пуҫлӑх патне пӗтӗмпе 661 ыйту килсе ҫитнӗ, ҫав шутра «Олег Николаев» Чувашия» телеграм-канал урлӑ – 188 ыйту, 179 – колл-центр йышӑннӑ, 113 – «Чӑваш Республики» пӗрлешӳ, 93 – «Патшалӑх пулӑшӑвӗсен» порталӗ, 71 – «ВКонтакте» социаллӑ сетьри «Олег Николаев» страница урлӑ, 17  ыйту ытти ресурсем урлӑ пуҫтарӑннӑ.

Ыйтусем ҫулсемпе инфраструктура объекчӗсене (19%), ЖКХ (9%), социаллӑ тивӗҫтерӗве (6%), транспорт тивӗҫтерӗвне (5%), физкультурӑпа спорта (4%) пырса тивнӗ, ача сачӗсемпе шкулсене тунӑ тата юсанӑ (4%), ҫемьесемпе СВО хутшӑнакансене пулӑшни (3%), экологи (3%), ҫул-йӗр  тивӗҫтерӗвӗ (2%), вӗренӳ (2%), строительство (2%), культура (2%), урӑх темӑсем (39%) пулнӑ.

Чӑваш Ен Пуҫлӑхӗн Олег Николаевӑн страницинче тата ВКонтактри соцсетьри «Чӑваш Республики» пӗрлешӳре 2,6 пин ытла ҫын трансляцине пӑхнӑ. Унтах тӳрӗ эфир ҫырнине вырнаҫтарнӑ. Текст версине «Хыпар» (чӑвашла) хаҫатӑн официаллӑ страницисенче тата «Чувашинфор» информагентствӑра (вырӑсла) вулама пулать.