«Пирӗн республика аталаннӑ электротехника отраслӗпе палӑрса тӑрать, ҫавна пула регион ку сферӑри чылай енӗпе мала тухассине тытса чарать. Уйрӑм вырӑн унта ВНИИР-Пӗтӗм Союзри релестроени наукӑпа тӗпчев институчӗ йышӑнать, вӑл хӑй вӑхӑтӗнче Шупашкарта электротехника ыйтӑвӗсене татса паракан предприятисен кластерӗ йӗркеленни ҫине витӗм кӳнӗ. промышленноҫ, электроэнергетика, авиаци тата карап ҫӳрев предприятийӗсене хальхи вӑхӑтри стандарта кирлӗ оборудованипе тивӗҫтерет», – тесе палӑртса каланӑ  Чӑваш Ен Пуҫлӑхӗ Олег Николаев  электротехника сферин профессионалӗсене чысла тав тунӑ май.

Чӑваш Енри электротехника отраслӗн предприятийӗсен продукцийӗ хӑш-пӗр позицисемпе Раҫҫей рынокӗн 60% таран йышӑнать.  Вӗсем тирпейлесе кӑларакан техника хатӗрӗсемпе йӑлари электроникӑран пуҫласа атом промышленноҫӗ таранах  усӑ кураҫҫӗ. Электричество оборудованийӗ, компьютерсем, электронлӑ тата оптика изделийӗсем кӑларакан предприятисен хӑйсен производствин тиесе ӑсатнӑ таварӗсен пӗтӗмӗшле калӑпӑшӗ 2024 ҫулта 140 млрд тенкӗрен иртнӗ.

Чӑваш Республикин Пуҫлӑхӗ Олег Николаев тата Раҫҫей Федерацийӗн промышленноҫпа суту-илӳ Министрӗн ҫумӗ Василий Шпак  отраслӗн чи лайӑх специалисчӗсене патшалӑх наградисене парса чысланӑ.