Раҫҫей Федерацийӗн Федерацин хӑрушсӑрлӑх службин хаклӑ ӗҫченӗсем тата ветеранӗсем!

Сирӗн Служба кун-ҫулӗ 1917 ҫулта контрреволюципе тата сӑтӑрла ӗҫсемпе кӗрешме влаҫӑн ҫӗнӗ органне туса хунӑранпа пуҫланнӑ.

Вӑхӑт иртнӗҫемӗн организаци хӑйӗн ятне пӗрре мар улӑштарнӑ, анчах та унӑн тӗллевӗсем улшӑнман, вӗсем унчченхисемех – Тӑван ҫӗршывӑн наци интересӗсене тулашрипе шалти хӑрушлӑхсенчен хӳтӗлесси. Сирӗн ӗҫӗр калама та ҫук пысӑк пӗлтерӗшлӗ: эсир терроризма тата экстремизма хирӗҫ кӗрешессипе, Раҫҫей Федерацийӗн патшалӑх чиккин хӑрушсӑрлӑхне тата информацие хӳтӗлессине шанчӑклӑн тивӗҫтерессипе ҫыхӑннӑ задачӑсене пурнӑҫлатӑр.

Паян, Раҫҫей ют ҫӗршывсен спецслужбисене хирӗҫ тӑракан лару-тӑрура, шӑпах эсир вӑхӑт кӑларса тӑратакан йывӑрлӑхпа куҫа-куҫӑн тӗл пулатӑр. Паттӑрлӑхпа хӑюлӑх тата хастарлӑх кӑтартса эсир пирӗн ҫӗршыв территорийӗнче, ҫав шутра лару-тӑру самаях кӑткӑс шутланакан ҫӗнӗ территорисенче те – Луганск тата Донецк Халӑх Республикисенче, Запорожьепе Херсон облаҫӗсенче – тӑнӑҫлӑхпа йӗркелӗхе, правасемпе ирӗклӗхсене пӑхӑнассине тивӗҫтеретӗр. Иккӗленместӗп: сирӗн мухтавлӑ ӗҫӗрсене пула та эпир ҫӗнтеретпӗрех!

Сире професси уявӗпе саламлатӑп! Хамӑрӑн аслӑ Тӑван ҫӗршы-вӑмӑршӑн яланах тивӗҫлӗн те чыслӑн ӗҫлӗр, тивӗҫӗре тата присягӑна чунтан парӑнса тӑрӑр. Пурсӑра та ҫирӗп сывлӑх, сире тата сирӗн ҫывӑх ҫыннӑрсене пӗтӗм лайӑххине сунатӑп.

Чӑваш Республикин Пуҫлӑхӗ                   Олег Николаев