Проекта пурнӑҫа кӗртме федераци енчен 17 млрд инвестици хывнӑ.

Мероприятине телемост форматпа ирттернӗ, паллӑ пулӑма Раҫҫей Федерацийӗн Правительствин Председателӗн Ҫумӗ Марат Хуснуллин, Чӑваш Ен Пуҫлӑхӗ Олег Николаев, Федерацин Ҫул-йӗр агенствин ертӳҫи Роман Новиков, «Волго-Вятскуправтодор»  ФКУ пуҫлӑхӗ Илдар Мингазов хутшӑннӑ. 

Объектӑн пӗтӗмӗшле калӑпӑшӗ 5,5 ҫухрӑм тӑсӑлать.  Унти кӗпер лаптӑкӗ 2,4  ҫухрӑм тӑсӑлса выртать.  Палӑртса хӑваратпӑр, кун пек пысӑк кӗпер урӑх региона ҫук тесен те йӑнӑш мар.  

«Сӑр урлӑ выртакан кӗпер кӳршӗллӗ ҫӗршывӑмӑрӑн регионӗсеене Уралпа ҫыхӑнтарать.  Чӑваш Еншӗн кӗпер уйрӑмах пысӑк пӗлтерӗшлӗ.  Палӑртнӑ тӗллевсеене пурнӑҫа кӗртме витӗм кӳрет, инвестици илӗртӳлӗхне ӳстерет, туризм сферине хӑватлантарма май парать», – тесе палӑртса калнӑ хӑйӗн сӑмахӗнче Чӑваш Республикин Пуҫлӑхӗ Олег Николаев.  

Транспортсене каҫса ҫӳремелли кӗпере  «Хӑрушлӑхсӑр паха ҫулсем» наци проекчӗпе килӗшӳллӗн пурнӑҫа кӗрртнӗ.  Объект ҫу уйӑхӗнче 2021 ҫулта пурнӑҫланӑ. «Атӑл» М-7 трасса Атӑлҫи тӑрӑх иртет, Раҫҫейӗн тӗп ҫул-йӗрӗсенчен пӗри тесен те куҫ кӗретех.  Тӗрлӗ регионсене ҫыхӑнтарать, инвестици илӗртӳлӗхне те витӗм кӳрет.  Йывӑр тиевлӗ транспортсене кулленех ҫӳретме хӑтлӑ условисем йӗркеленнӗ.  Федерацин Ҫул-йӗр агенствишӗн те уйрӑмах пысӑк пӗлтерӗшлӗ асӑннӑ территори.

«Атӑл» М-7 федераци пӗлтерӗшлӗ трассӑна тӗпе хурса, 2024 ҫулта Чӑваш Енре инфратытӑма витӗм кӳрекен тӑватӑ проект пурнӑҫланӑ. Сӑр юхан шыв урлӑ ҫӳреме кӗпер хута янӑ, А-151 Ҫӗрпӳ - Ульяновск  территорисене ҫӗнетсе улӑштарнӑ, 38 ҫухрӑм тӑсӑлса выртакан ҫулсене ҫӗнӗрен сарса тирпейлнӗ.  Ҫӗр айӗн  ҫынсене каҫса ҫӳреме май паракан  объектсем тунӑ.   Пӗр сӑмахпа каласан, чылай инфратытӑма юсаса ҫӗнетнӗ.