Чӑваш Республикин Пуҫлӑхӗ торжествӑлла мероприятине пухӑннисене саламланӑ май, республика пурнӑҫӗн пур сферинче те тӗрлӗ пысӑк ыйтусене пурнӑҫа кӗртессинче паха специалистсем пысӑк витӗм кӳнине  асӑннӑ. Вӗсене пурне те палӑртнӑ тӗллевсем патне пыма пурнӑҫлакан ӗҫсем пӗр чӑмӑра пухса, пӗрлӗхре пулма хистенине палӑртнӑ. «Сирӗнтен кашниех хӑйӗн ӗҫ вырӑнӗнче  ҫав тери паха профессионалсем,  ыттисене те хӑвӑр пек пулма пулӑшса пыратӑр. Сирӗн пысӑк ӗҫсем ыттисемшӗн яланах тӗслӗхре, нумай ҫын сирӗнпе мӑнаҫланни те куҫ кӗретех. Экспертсем халӗ пӗрлешӳллӗ вӑй хумалли вӑхӑт, командӑсен вӑхӑчӗ ҫитнине те пӗрре мар палӑртса калаҫҫӗ. Паллӑ, кун пек пулас тесен командӑра пурпӗрех паха профессионалсем кирлӗ. Умра пирӗн пысӑк ӗҫсем, эсир вара ҫав  тӗллевсене татса парас тӗлӗшпе тӗрев пулса тӑратӑр», – тенӗ Олег Николаев.

Республика Пуҫлӑхӗ Раҫҫей Федерацийӗпе Чӑваш Республикин  пысӑк наградисене ӗҫре пысӑк хисепре пулнисене, лайӑх кӑтартусемпе палӑрнисене парса чысланӑ. Вӗсен йышӗнче: сумлӑ тухтӑрӗсем, вӗрентекенсем, патшалӑх тата граждан  служащийӗсем, культура ӗҫченӗсем, производствӑра тӑрӑшакансем,  ҫавӑн пекех нумай ачаллӑ ашшӗ-амӑшӗсем те.

Раҫҫей Федерацийӗн Президенчӗн Указӗпе килӗшӳллӗн,  ҫемье институтне ҫирӗплетес тата ачасене воспитани парас ӗҫре пысӑк ҫитӗнӳсем тунӑшӑн «Ашшӗ-амӑшӗн мухтавӗ» орден медалӗпе  Шупашкар хулинче пурӑнакан Михайлов Александр Константиновичпа Михайлова Ольга Валериевнӑна  чысланӑ.

 «Федерацин травматологи, ортопеди тата эндопротезировани центрӗ» ФГБУ  ушкӑнне  сывлӑх сыхлав енӗпе тава тивӗҫлӗ ӗҫсем тунӑшӑн  Раҫҫей Федерацийӗн Президенчӗн Тав сӑмахӗпе хавхалантарнӑ.

Социаллӑ пурнӑҫпа экономика аталанӑвне пысӑк тӳпе хывнӑшӑн  «Чӑваш Республики умӗнчи тава тивӗҫлӗ ӗҫсемшӗн» орденпа Чӑваш Республикин Министрсен Кабинечӗн Председателӗн пӗрремӗш ҫумне – Чӑваш Республикин финанс министрне  Ноздряков Михаил Геннадьевича чысланӑ.

Федоров Гурий Ивановича нумай ҫул хушши СХПК «Комбайн» СХПКра ертӳҫӗ пулса ӗҫленӗшӗн, хӑйӗн ӗҫне яваплӑха туйса пурнӑҫланӑшӑн  республика Пуҫлӑхӗн пысӑк наградине тивӗҫнӗ.      

Социаллӑ пурнӑҫпа экономика аталанӑвне пысӑк тӳпе хывнӑшӑн  «Чӑваш Республики умӗнчи тава тивӗҫлӗ ӗҫсемшӗн» орден медалӗпе  Краснов Дмитрий Ивановича – Чӑваш Республикин Министрсен Кабинечӗн Председателӗн ҫумне – Чӑваш Республикин экономика министрне  парса чыс тунӑ.

Ҫавӑн пекех ҫак орден медалӗпе   Шупашкар хулинче пурӑнакан Бенда Лилия Михайловнӑна – «Кулинар» ООО директорне, ӗҫри ҫитӗнӳсемшӗн тата нумай ҫул тӳрӗ кӑмӑлпа ӗҫленӗшӗн тивӗҫтернӗ.    Пысӑк хисепе тивӗҫнисен йышӗнче тата Чӑваш Республикин ӗҫпе социаллӑ хӳтлӗх министрӗ Елизарова Алена Геннадьевна, Чӑваш Республикин культура министрӗ Каликова Светлана Анатольевна тата та ытти паллӑ ҫысем пур.  

Пурне те ҫывхарса килекен Ҫĕнĕ ҫул ячĕпе саламланӑ, граждансен интересĕсене тĕпе хурса наци проекчĕсене пурнăҫлассипе ҫыхăннă пысăк пĕлтерĕшлĕ ыйтусене пĕрле татса панӑшӑн мухтанӑ, пурне те ҫирĕп сывлăх, телей, ырлăх, пархатарлă мĕн пур ĕҫре ăнăҫу суннӑ мероприятине пухӑннисене регион Пуҫлӑхӗ.