Палӑртнӑ служба  хӑйӗн ӗҫне пуҫӑннӑ ӗнтӗ, туллин пӗтӗм пулӑшу спектрне 2025 ҫулхи нарӑс уйӑхӗнче медицина ӗҫ-хӗлне пурнӑҫлама лицензи илнӗ хыҫҫӑн пуҫланать.

Республика бюджечӗн укҫи-тенкипе Патӑрьел салинчи судпа медицина экспертизин Республикӑри бюровӗн районсен хушшинчи ҫӗнӗ уйрӑмӗ Патӑрьел, Шӑмӑршӑ тата Елчӗк муниципаллӑ округсенче хута кайнӑ. 58 пин ҫын пахалӑхлӑ суд-медицина  тата ытти пулӑшусене илейрет.

 «Судпа медицина экспертизин службине аталантарнӑ май пирӗн граждансем пахалӑхлӑ тата юрӑхлӑ пулӑшусем илччӗр тесе тӑрӑшатпӑр. Ҫак ӗҫӗн лайӑх кӑтартӑвӗсене куратпӑр та асӑннӑ сферӑна малалла та лайӑхлатма палӑртатпӑр, медицина экспертизисен пысӑк стандарчӗпе вӗсене вӑхӑтра ирттерессине тивӗҫтеретпӗр», – тесе палӑтнӑ Чӑваш Ен Пуҫлӑхӗ Олег Николаев.

Вилнисен ӳчӗсене талӑкӗпех турттарассипе сӑннӑ служба ӗҫченӗсем ӗҫлӗҫ. Вӑл ӗҫе 2025 ҫулхи кӑрлач уйӑхӗнчен пурнӑҫлама  тытӑнӗҫ. Чӑваш Ен Пуҫлӑхӗ Олег Николаев хушнипе йӗркеленӗ служба тӳлевсӗр палӑртнӑ ӗҫсене пӗтӗмпех пурнӑҫлӗ.

Вице-премьер – сывлӑх сыхлав министрӗ Владимир Степанов палӑртнӑ тӑрӑх,  палӑртнӑ служба  чылай пысӑк тӗллевсене пурнӑҫа кӗртессине асӑннӑ.  «Унӑн структура подразделенийӗсем Чӑваш Енри тӗп хуласемпе районсенче вырнаҫӗҫ: Шупашкар, Ҫӗнӗ Шупашкар, Улатӑр, Патӑрьел, Канаш, Ҫӗрпӳ, Ҫӗмӗрле тата Етӗрне хулисенче. Ҫакӑн пек вырнаҫтарни республикӑн пӗтӗм территорийӗнче пулӑшу ӗҫӗсен мелне тивӗҫтерме май парӗ. Эпир Олег Алексеевича, ҫак проекта пурнӑҫа кӗртме пысӑк тӳпе хывнӑшӑн тата пулӑшнӑшӑн тав тӑватпӑр», – тесе сӑмаха малалла тӑснӑ Владимир Степанов.

Службӑн тухӑҫлӑ ӗҫне тивӗҫтерме мӗнпур кирлӗ требованисене тивӗҫтерекен специализациленӗ автотранспортӑн 8 единицине туяннӑ. Специализациленӗ оборудованисӗр пуҫне транспорт хатӗрӗсене ГЛОНАСС системипе тата видеорегистраторсемпе тивӗҫтернӗ, ҫакӑ вӗсен ӗҫне мониторингпа тата тӗрӗслевпе тивӗҫтерет.

Ҫӗнӗ уйрӑмра вилнисен ӳчӗсене судпа медицина тӗпчевӗсем туса ирттерӗҫ, вилни ҫинчен медицина свидетельствисем парӗҫ.

«Патӑрьелти районсен хушшинчи уйрӑмӗн сотрудникӗсем оперативпа следстви ушкӑнӗ йышӗнче пулса иртнӗ пӑтӑрмах вырӑнӗсене тухса ҫӳрессине пурнӑҫлаҫҫӗ, правӑна сыхлакан органсемпе медицина организацийӗсен сотрудникӗсен консультацийӗсене ирттереҫҫӗ, вилеслӗх мониторингне куллен мониторинглаҫҫӗ, ҫавӑн пекех вилнӗ ҫынсен виллине пӗлтерекен медицина свидетельствисем парассине пурнӑҫлаҫҫӗ тата ыттине те», – тесе палӑртнӑ  Бюро пуҫлӑхӗ Сергей Плюхин.