Кун пирки Чӑваш Ен Пуҫлӑхӗ Олег Николаев кашни эрнере ирттерекен планеркӑра паллӑ пулнӑ. «Пӗчӗк тата вӑтам предпринимательлӗх тата уйрӑм предприниматель пуҫарӑвне пулӑшасси ” наци проекчӗн пӗтӗмлетӗвӗсене  ларӑва пухӑннисем тарӑн тишкернӗ.

Паянхи куна илес пулсан, регионта  122,3 пин  пӗчӗк тата вӑтам предпринимательлӗх пайӗ шутланать.  Вӑл шутран 75,3 пин хӑй тӗллӗн ӗҫлекеннисем. 5 ҫул хушшинче – 2020 ҫултан пуҫласа 2024 ҫул хушшинче кӑтарту 2,5 хут хӑпарнӑ, 2024 ҫулта – 22,3%  ӳснӗ, ӳсӗм 2023 ҫулхипе танлаштарсан, самай пысӑк пулни сисӗнет.

 «Пирӗн тӗллев – кашни бизнес-идейӑна регистрацилеме витӗм кӳресси. Вӗсене тарӑн тишкерсе тухмалла та, кирлӗ пулсан, тӗрлӗ тапхӑрсенче тивӗҫлӗ хатӗрсемпе пулӑшса пымалла. Пирӗн ҫав сегментсене, экономикӑн тӗп шучӗсене тӗллевлӗн пулӑшса пымалла, вӗсем ытти сегментсене аталанма май параҫҫӗ. Тӗслӗхрен, ял хуҫалӑх сферинчи проектсем пулсан продукцие тарӑнрах тирпейлессин малашлӑхне, ӑна малалла тӑсас ыйтусем ҫине пӑхатпӑр. Питӗ лайӑх инструмент креативлӑ индустри шутланать, вӑл экономикӑна ӳсме  май парать. Кунта потенциал, ҫав шутра пӗчӗк тата вӑтам предпринимательсем валли те», – тесе  уйрӑммӑн  палӑртса каланӑ Чӑваш Ен Пуҫлӑхӗ Олег Николаев.

 «Пӗчӗк тата вӑтам предпринимательлӗх сферинче ӗҫлекен ҫынсен йышне  ӳстерсе пырасси те приоритетлӑ ыйтусенчен пӗри пулса тӑрать.  Чи малтанах пӗчӗк тата вӑтам компанисенче ӗҫлекенсене хӑйсене те, хӑйсемпе ӗҫлекен тата уйрӑм предпринимательсене те кулленех аталанса пыма хӑтлӑ условисем туса пама тӑрӑшмалла. Кӑтартӑва 35% ытлашшипех пурнӑҫланӑ: малтанласа палӑртнӑ тӑрӑх пурӗ те 174 пин ҫын палӑртса хунӑ, халӗ вара вӗсем 235 пин ытла. Ултӑ ҫул кӑтартӑвӗсене пӑхсан, 2024 ҫулта 2019 ҫулӑн пӗлтерӗшӗнчен 53,5% пысӑкрах», – тесе каланӑ  хӑйӗн сӑмахӗнче Чӑваш Ен экономика аталанӑвӗн министрӗн тивӗҫӗсене пурнӑҫлакан Лариса Рафикова.

2024 ҫул пӗтӗмлетӗвӗсем тӑрӑх, туса хатӗрленӗ бизнес-плансен шучӗ 2019 ҫулхинчен 6 хут чылайрах. Патшалӑх тӗревне илнисен йышӗ те сахал мар.

5 ҫул хушшинче  патшалӑх пулӑшӑвне регионта «АПМБ» АНО МКК витӗм кӳнипе предпринимательсемпе 6,3 млрд тенке яхӑн кивҫен  илме 2,7 пин ытла килӗшӳ тунӑ, «Чӑваш Республикин гаранти фончӗ» АНО 6,7 млрд тенкӗлӗх поручительствӑсене тӑратнӑ, ҫакӑ кредитсене (займсене) явӑҫтарма май панӑ.  Кун пирки те асӑнса хӑварнӑ экономика аталанӑвӗн министрӗн тивӗҫӗсене пурнӑҫлакан Лариса Рафикова.

Унсӑр пуҫне 2021 ҫултан пуҫласа 2024 ҫулччен тавар (ӗҫ, пулӑшу ӗҫӗсен) производствине аталантарас тата  тӗрлӗ производствӑра усӑ курма кирлӗ хатӗрсене туянма тӑкаксен пӗр пайне саплаштарма республика бюджетӗнчен пӗчӗк тата вӑтам бизнес субъекчӗсене пулӑшма 269,6 млн тенкӗ янӑ, социаллӑ предпринимательсен шучӗ 1 пулнӑ пулсан, халӗ вӗсен йышӗ  96 ҫитнӗ. 83 проекта пурнӑҫа кӗртме 38,6 млн тенкӗ тӑкакланнӑ.  2022–224-мӗш ҫулсенче пӗтӗмпе 28 ҫамрӑк предприниматель пулӑшу илнӗ.

Пулӑшу самай лайӑх пулнине кура, бизнесӑн экспорт хастарлӑхӗ те ӳснӗ. Кун пирки те ҫирӗппӗн каланӑ Лариса Рафикова.