Чӑваш Ен Пуҫлӑхӗ Олег Николаев ирттернӗ Чӑваш Республикин Министрсен Кабинечӗн ларӑвӗнче  пӗрлехи саккун проектне  паян ырланӑ.

Пӗрремӗш вице-премьер – финанс министрӗ Михаил Ноздряков пӗлтернӗ тӑрӑх, Чӑваш Енре Раҫҫейӗн Хӗҫ-пӑшаллӑ вӑйӗсене Чӑваш Республикин Ҫар комиссариатӗнчен хӗсмете янӑ ятарлӑ ҫар операцине хутшӑнакансем тӗлӗшпе кӑна пӗр транспорт налогне тӳлессинчен туллин хӑтарнӑ.

Асӑннӑ норма преференцие памалли пӗр тан условисемпе туллин тивӗҫтермест. Ҫавӑнпа та регион Пуҫлӑхӗ Олег Николаев хушнипе республикӑра пурӑнакан  мӗнпур СВО хутшӑнакансем ҫине те транспорт налукӗ енӗпе ӗҫлекен ҫӑмӑллӑха контракт ҫирӗплетнӗ вырӑна пӑхӑнмасӑр сарма сӗнеҫҫӗ.

 «Малтанласа палӑртнӑ тӑрӑх, палӑртнӑ налук ҫӑмӑллӑхне илекенсен категорийӗсем анлӑланнине пула Чӑваш Республикин пӗрлештернӗ бюджетӗнче хушма  пулӑшӑва пӑхса хӑварма  тивет»,  – тесе хыпарланӑ Михаил Ноздряков.

Ҫавӑн пекех саккун проекчӗпе тата 3 ҫуллӑха (2028 ҫулхи январӗн 1-мӗшӗччен) республика территорийӗнче палӑртнӑ ҫӑмӑллӑха ҫут ҫанталӑк газӗ ҫинче автобуссемпе тата тиев автомобилӗсемпе усӑ куракан организацисемпе уйрӑм предпринимательсем валли налук ставкине  пӑхса хӑварма йышӑннӑ. Апла пулан, вӗсен валли те ку ҫӑмӑллӑх пуласси паллӑ.

2022 ҫулхи  кӑрлач уйӑхӗн 1-мӗшӗ тӗлне Чӑваш Енре ҫут ҫанталӑк газӗпе усӑ куракан 993 транспорта шута илнӗ.  2023 ҫулхи кӑрлач уйӑхӗн 1-мӗшӗ тӗлне – 1143 транспорта палӑртнӑ, 2024 ҫулхи кӑрлач уйӑхӗн 1-мӗшӗ тӗлне 1210 транспорт пур тесе йышӑнса хӑварнӑ.

«Автотранспорт хатӗрӗсен паркӗ ҫулсерен ӳссе пынипе, хуласенче экологи лару-тӑрӑвӗ япӑхланнипе мотор топливин альтернативлӑ тӗсӗсемпе усӑ курасси ҫивӗчленсе пырать. Ҫутҫанталӑк газӗ ҫунакан япаласенчен чи хӑрушсӑрри шутланать. Ҫавӑнпа та асӑннӑ ҫӑмӑллӑха транспорт налогӗ  пирки ҫӑмӑллӑха тӑсни - лайӑх пуль тесе шутлатпӑр», –  сӑмаха ҫавӑрса каланӑ Чӑваш Ен Пуҫлӑхӗ Олег Николаев.