2023 ҫултанпа техникум ҫӗнӗлле йӗркеленсе пырать. Унта Патӑрьелти агропромышленность техникумӗ, Сӗнтӗрвӑрринчи технологи техникумӗ, Етӗрнери агротехника техникумӗ кӗнӗ. Хальхи вӑхӑтра ун ҫумне Вӑрнарти ял хуҫалӑх техникумне пӗрлештерес процесс пырать. Вӗсенчен кашнин хӑйӗн специализацийӗ.

 Кунта вӗренекенсем 23 профессипе специальноҫа алла илессишӗн тӑрӑшаҫҫӗ.

Чӑваш Ен  Пуҫлӑхӗ Олег Николаев сӑмаха пуҫарнӑ май,  вӗренӳ учрежденийӗн аталану концепцине практикӑра пурнӑҫласси «АПКна аталантармалли патшалӑхӑн пӗлтерӗшлӗ тӗллевӗсене татса памалли хӑйне евӗрлӗ практика» пулса тӑрассине асӑннӑ.  Техникум АПК тата ял территорийӗсен инноваци аталанӑвӗн центрӗ пулса тӑма пултарассине те палӑртнӑ вӑл.

Документа тарӑн тишкернӗ май,  палӑртнӑ улшӑнусем Чӑваш Енри предприятисенче вӗренсе тухакансене ҫирӗплетмелли шая ӳстерме май панине курма пулать.  Ял хуҫалӑхӗнче малта пыракан технологисене туса хумалли, ӗҫе кӗртмелли тата тытса пымалли компетенцисем пулмаллине те асӑннӑ.

Ҫавӑн пекех агросектора малта пыракан технологисене хатӗрлеме тата ӗҫе кӗртме инноваци экосистеми йӗркелеме, ял хуҫалӑх енӗпе вӗсен стартапӗсене пулӑшнипе студентсене хӑйсене предприниматель хастарлӑхне хавхалантарма палӑртнӑ. 

Ҫак тӗллевпе 2030 ҫулччен пурлӑхпа техника базине модернизацилеме палӑртнӑ — 100% техникума хальхи вӗренӳ лабораторийӗсемпе пуянлатмалла, вӗренӳ корпусӗсене тӗпрен юсамалла, тивӗҫлӗ спорт инфратытӑмне йӗркелемелле, ҫӗнӗ вӗрентӳ программисем хатӗрлесе преподавательсен квалификацине ӳстермелле, практика-ориентурӑна пурнӑҫа кӗртессине вӑйлатмалла, кирлӗ пек специалистсене хатӗрлемелле. Вӗрентӳ процесне цифровизацилессипе те хастартарах ӗҫлеме палӑртнӑ.

Ҫамрӑксене аграри профессийӗсене явӑҫтарассипе («Агро-куб») проект мероприятийӗсене йӗркелесе пуҫарса янӑ.  Ял хутлӑхӗнче ӗҫлеме кадрсем явӑҫтарассине («Агропрофессионалы»), ялти шкул туризмӗ енӗпе компетенцисен центрне йӗркелессине уйрӑммӑн палӑртса хӑварнӑ.

Ҫӗрпӳри аграрипе технологи техникумӗн 2030 ҫулчченхи аталанӑвӗн концепцине пурнӑҫланӑ май шкул пӗтерекенсен ӗҫ-хӗл тата илнӗ компетенцисен ӗҫӗн тӳпи (ӗҫе вырнаҫни, уйрӑм предпринимательство, хӑй тӗллӗн ӗҫлени, малалла вӗренни) хальхи 77,2% 85% таран ӳсмелле, студентсен йышӗ кӑҫалхипе 85% таран заочно вӗрентӳ форми – 3 пинрен пуҫласа 4,5 пин таран пуласси те паллӑ.