Республика Пуҫлӑхӗ Олег Николаев общество ӗҫне пысӑк тимлӗх уйӑракан хастар ачасемпе уҫӑ калаҫу ирттернӗ.  Ҫамрӑксем Ача-пӑча обществӑлла канашӗ йӗркеленнӗренпе тунӑ ӗҫ-пуҫ пирки каласа кӑтартнӑ, малашнехи плансемпе паллаштарнӑ.

 «Канаша хастар ачасенчен йӗркеленӗ, вӗсем хӑйсен тантӑшӗсем мӗн тӑвасшӑн пулнине лайӑх ӑнланаҫҫӗ. Пӗр енчен ачисем вӗсемшӗн мӗнле самантсем кӑсӑклӑрах пулнине тата пирӗн, аслисен, чи малтан ӑҫта тимлӗх ытларах  уйӑрмаллине палӑртма пултарайраҫҫӗ.  Ачасем, общество канашӗн членӗсем пулнӑ май, чӑннипе патшалӑх управленийӗн тытӑмне  епле йӗркелесе пынине ӑнкараҫҫӗ. Вӗсем хӑйсен тусӗсем, пӗрле вӗренекенсем патне кирлӗ  тӗрӗс хыпарсене илсе ҫитереҫҫӗ», – палӑртса каланӑ хӑйӗн ум сӑмахӗнче республика Пуҫлӑхӗ.

Олег Николаев ҫамрӑксене цифра гигигиени енӗпе хастартарах ӗҫлеме чӗнсе каланӑ. Хальхи лару-тӑрура чи пысӑк йыхрав вӑл – ачасем ҫине янӑ информаципе психологи атаки. «Паллах ӗнтӗ, ҫитӗнекен ӑрӑва хӳтӗлес тесе эпир хамӑр енчен пурне те тӑвӑпӑр.  Пулать тепре чухне ҫапла та, тӗрӗс мар хыпарсене илтсен, ачасем ашшӗ-амӑшӗсене е вӗрентекенсене каласа паманни те.  Пирӗн вара, аслисен тимлӗхе ҫухатма юрамасть», – тенӗ  вӑл.

Тӗлпулӑва вӗҫленӗ май республика Пуҫлӑхӗ шкул ачисен ыйтӑвӗсене хуравланӑ. Ачасен обществӑлла канашӗн уйрӑмах палӑрнӑ хастарӗсене  пултарулӑх ӑнтӑлӑвӗшӗн ятарлӑ стипенди памалли свидетельствӑна парса хавхалантарнӑрегион Ертӳҫи.