Хаклӑ ӗҫтешсем тата туссем!

Паян эпир Раҫҫей наукин кунне паллӑ тӑватпӑр.

Наука – прогреса хӑват кӳрсе тӑракан тӗп вӑй тата хамӑр йӗри-таврари тĕнче çинчен çĕннине пӗлме май паракан пĕлÿ çăл куçĕ. Наука открытийӗсене тата ҫӗнӗ технологисем туса хатӗрленине пула нумаях пулмасть кӑна ӗненмелле мар пек туйӑнакан пӗтӗм япала чӑна тухса пырать.

Чӑваш Республики «Пуласлӑх инженерийӗ» тӗнче шайӗнчи ӑслӑлӑхпа вӗренӳ центрне хутшӑнакансен йышне кӗрет, унӑн ӗҫ-хӗлӗ малта пыракан тӗпчевсем туса ирттерме, инженери енӗпе шухӑшласа тупнӑ ҫӗнӗлӗхсене  экономикӑн пӗтӗм сферинех ӗҫе кӗртме пулӑшассипе ҫыхӑннӑ.

Ҫамрӑк ӑсчахсене тата наукӑпа техника аталанӑвне пулӑшнин  шайне палӑртакан рейтингсенче пирӗн республика ҫултан-ҫул ҫӳллӗ позицисем йышӑнать.

Раҫҫей наукине аталантарас тата талантлӑ ҫамрӑк кадрсене вӗрентсе хатӗрлес ӗҫе хӑйсен курӑмлӑ тӳпине хывакан ӑсчахсемпе тӗпчевҫӗсене тата преподавательсене пурне те уяв ячӗпе пӗтӗм чунтан саламлатӑп.

Сире ҫӗнӗ ҫитӗнӳсем тата паллӑ открытисем тума сунатӑп. Сирӗн ҫитӗнӗвӗрсем – пирӗн пӗрлехи мӑнаҫлӑхӑмӑр!

Чӑваш Республикин Пуҫлӑхӗ                              О.Николаев