Регион Пуҫлӑхӗ Олег Николаев ирттернӗ Чӑваш Республикин Министрсен Кабинечӗн ларӑвӗнче агропромышленноҫ комплексне патшалӑх енчен куҫакан хушма тӗрев парасси пирки  калакан ӗҫ хучӗсене йышӑнса хӑварнӑ.   

Ҫӗнӗлӗхсене виҫӗ документа кӗртнӗ – Сад пахчисемпе ӗҫлекенсене хушма пулӑшу, пӗрчӗллӗ культурӑсем туса кӑларакансене субсиди памалли правилӑсене, ҫавӑн пекех ӗнесен геномӑллӑ селекцине ӗҫе кӗртесси пирки пулӗҫ.  

Чӑваш Республикин Министрсен Кабинечӗн Председателӗн ҫумӗ – ял хуҫалӑх министрӗ Сергей Артамонов сӑмаха пуҫарнӑ май,   федераци улшӑнӑвӗсене пула тӗш тырӑ культурисене туса илес тата пурнӑҫлас тӑкаксен пӗр пайне саплаштарма бизнес кӑна мар, ӑслӑлӑх организацийӗсем те – тӗпчев институчӗсем,  аслӑ шкулсем, ял хуҫалӑх  таварӗсене тирпейлесе кӑларакансем  те тивӗҫейрессине каланӑ.  Ставка – пӗр тонна тырӑшӑн 1010 тенкӗ куҫасси паллӑ.

Саккунпа килӗшӳллӗн сад ӗрчетекен тата пахча ҫимӗҫ коммерциллӗ мар юлташлӑхсене субсидисене суйласа илмелли уҫӑмлӑхпа тивӗҫтерӗ, вӗсемпе вӗсене инфратытӑма хӑтлӑлатма  1 млн тенкӗ таран парасси те куҫ кӗретех пулӗ.  Малтанхи тапхӑрсенче СНТ председателӗсем Чӑваш Ен Ял хуҫалӑх министерствине  ӗҫ хучӗсене илсе ҫитернӗ пулсан,  халӗ заявкӑсене Патшалӑх пулӑшӑвӗсен порталӗнче йышӑнӗҫ. Ӳлӗмрен ӗҫлеме ансатрах пуласси паллӑ, вӑхӑта та перекетлеме пулать.  Пӗр сӑмахпа каласан, тухӑҫлӑх тени малти вырӑна тухӗ.

Ӗнесен геномлӑ селекцине ӗҫе кӗртме республика субсиди памалли Правилсенче те ҫӗнӗлӗх кӗртнӗ.  Ставка унчченхи пекех юлать – ял хуҫалӑх таварӗсем туса илекенсене  тӑкаксенчен 50% каялла парса саплаштараҫҫӗ.  Пӗр ӗнешӗн  3000 тенкӗрен ытла мар. Ҫӗнӗлӗхсем кунта – ҫул-йӗрпе суйласа илни ҫинчен калакан пӗлтерӗве улшӑнусем кӗртес пулсан: вӗсем ҫинчен Порталти претендентсене тепӗр кунхинчен кая юлмасӑр пӗлтерсе тӑрӗҫ.