Республикӑри  «Манӑн бизнес» Центр пилӗк ҫул тултарнӑ тӗлпулура кун пек цифрӑсем пирки пӗлтернӗ Олег Николаев.

 «Юлашки ҫулсенче пирӗн бизнес малта пыраканнисенчен, хӑватлисенчен пӗри  пулса тӑчӗ, вӑл республикӑн экономикине аталантарма пулӑшать. Чӑваш Ен Правительстви предприниматель ӗҫне-хӗлне пулӑшас тӗлӗшпе ҫине тӑрса ӗҫлет, мӗншӗн тесен ҫак сегмент экономикӑна хӑвӑрт диверсификацилеме май парать. 5 ҫул хушшинче пӗчӗк предприятисен шучӗ 2,7 хут ӳснӗ.  Харпӑр хӑй тӗллӗн ӗҫлеме кӑмӑл тӑвакансен йышӗ самай регионта. 2020 ҫултанпа ҫакӑн пек предпринимательсен шучӗ регионта 10 хут ӳснӗ, паян та вӗсем 75 пин ытла ҫын», – тенӗ Олег Николаев.

Республикӑра пӗчӗк тата вӑтам предпринимательлӗх субъекчӗсене 6 ҫул хушшинче (МСП) 5,6 млрд тенке яхӑн патшалӑх пулӑшӑвне тивӗҫтернӗ.

 «Манӑн бизнес» центр ӗҫне пуҫарса янӑранпа предпринимательсем  вӗсен витӗмлӗхӗпе «пӗр чӳрече» принципӗпе 20 ытла тӗрлӗ пулӑшу ӗҫӗпе усӑ кураҫҫӗ.

Центр регионти пӗчӗк тата вӑтам предпринимательлӗхе аталантармалли хатӗр пулса тӑнӑ. Ҫакӑ республикӑра МСП субъекчӗсен шутне 2,7 хут (122 пин таран) тата вӗсенче ӗҫлекен специалистсен йышне пӗрре ҫурӑ хут ӳстерме пулӑшнӑ, паян вӗсем 235 пин ытла.

2020–2024 ҫулсенче «Манӑн бизнес» центрӑн управляющи компанийӗ – Чӑваш Республикинчи пӗчӗк тата вӑтам бизнеса пулӑшакан Агентство – 3,4 хут (648,3 млн пуҫласа 2217,4 млн тенкӗ таран) микрозаймсен портфельне ӳстернӗ. Ҫулсерен кивҫен паракан калӑпӑш 2,4 хут ӳснӗ. 2024 ҫулшӑн бизнес 1,6 млрд ытла тенкӗлӗх 601 микрозаём илнӗ.

 «Манӑн бизнес» ӗҫӗн малтанхи кунӗсенчех предпринимательсене тухӑҫлӑ ӗҫлеме вӗрентсе пычӗ. Предпринимательсем микрозаймсем, гаранти е экспорт контракчӗсене калӑпланисӗр пуҫне партнерсем тупма, ҫӗнӗ пӗлӳ илме, хӑйсен таварӗсемпе пулӑшӑвӗсене малалла яма, производствӑна оптимизацилеме май тупнӑ. Тӗп тата чи кирлӗ ҫул-йӗр финанс пулӑшӑвӗ пулса тӑрать. 5 ҫул хушшинче республикӑри пӗчӗк тата вӑтам предпринимательлӗх субъекчӗсем хӑйсен аталанӑвӗ валли 16 млрд ытла тенкӗ илнӗ»,  – тесе палӑртса каланӑ хӑйӗн сӑмахӗнче Чӑваш Республикин Министрсен Кабинечӗн Председателӗн ҫумӗ – экономика министрӗ Дмитрий Краснов.

Палӑртса хӑварар, 2025 ҫултанпа «Манӑн бизнес» центр наци проекчӗпе килӗшӳллӗн «Тухӑҫлӑ тата конкурентлӑ экономика» ӗҫе тӗпе хурса пырать.