Кӑҫал  вӗри асфальтпа Чӑваш Енри ҫул-йӗр ӗҫченӗсем пуш уйӑхӗн 13-мӗшӗнчен объектсенче юсама тытӑннӑ. Икӗ предприяти те хӑйсен асфальтобетон завочӗсене яланлӑха тӗпе хурса хута янӑ. Хальлӗхе пурнӑҫланӑ  путӑк-ҫурӑксен юсав лаптӑкӗ 13 пин тӑваткал метртан та иртет ӗнтӗ, ҫакӑ 2024 ҫулхи кӑтартуран виҫӗ хут пысӑкрах.

Подряд организацийӗсене автоҫулсен тӗрев сетӗнче кӑҫалхи ҫу уйӑхӗн 1-мӗшӗччен юсавне вӗҫлеме тӗллев лартнӑ.

 «Юсакан ҫулсем пирки, ҫынсене  валли юрӑхлӑ тата ӑнланмалла хыпарсем пулмалла. Пирӗн кӑҫалхи ӗҫсем пирки кӑна пӗлтерсе тӑмалла мар, пуласлӑхри  тӗллевсем ҫинчен те хыпарламалла », –  тесе каланӑ хӑйӗн сӑмахӗнче Чӑваш Республикин Пуҫлӑхӗ Олег Николаев.

Ҫулсен регионти сетӗнче хӗллехи тапхӑрти сиене пӗтерес ӗҫсем виҫӗ енпе комплекслӑ иртӗҫ: путӑксене юсасси, пӗчӗк карттӑсемпе (100 кв. м таран) тата пысӑк карттӑсемпе (300-тен 500 кв. м таран) юсасси тата кивелсе ҫитнӗ сийсене  ҫӗнетсе улӑштарасси.

Федераци пӗлтерӗшлӗ объектсенче 4 пин тӑваткал метр лаптӑк ҫинче юсав ӗҫӗсене туса ирттернӗ. Пуласлӑхри ӗҫсем те сахал мар тата та  3 пине яхӑн тв. м. чухлӗ ҫӗнетсе ҫулсене сармалла.

Вырӑнти пӗлтерӗшлӗ ҫулсем ҫинче 70 пин тӑваткал метр тӑсӑлса выртакан автомашина ҫулне сармалла, путӑксене, ҫурӑксене саплаштармалла.  Ӗҫсем Шупашкар хулинче, Муркаш тата Шупашкар муниципаллӑ округӗсенче  хастар пулса пыраҫҫӗ.

 Ҫулталӑк пуҫланнӑранпа пӗтӗмпе 3300 тӑваткал метр лаптӑк ҫинче юсав ӗҫӗсене туса ирттернӗ.  Муниципалитетсенче хӗрӳ ӗҫе планпа килӗшӳллӗн ака уйӑхӗнче ирттерме палӑртнӑ.

 «Палӑртса хӑвармалла, муниципаллӑ йӗркеленӳсен бюджечӗсене ярса паракан субсидисене 2025 ҫултанпа пӗрлештернӗ. Субсидисене пӗрлештерни округсенчи ҫулсемпе ял тӑрӑхӗсенчи ҫулсене тӗплӗнрех юсаса пыма витӗм кӳрет. Укҫа-тенкӗ те перектлӗ тӑкакланать, тухӑҫлӑх тени малти вырӑна тухать«,  – тесе палӑртса каланӑ  Максим Петров.

Регион Ертӳҫи ҫавӑн пекех Чӑваш Ен Транспорт министерствине хула кӗперӗсем ҫинчи пулас ҫул-йӗр ӗҫӗсем ҫинчен ҫынсене вӑхӑтра пӗлтерме, вӗсене ирттернӗ вӑхӑтра хулари обществӑлла транспорт ӗҫне тишкерме хушнӑ.

 «Планпа килӗшӳллӗн, Гагарин кӗперӗ юсавра. Калинин кӗперӗ ҫинче тата Сӗнтӗрвӑрри шосси ҫинче кӗҫех ӗҫсене пуҫӑнма палӑртатпӑр. Ҫак объектсене пӗр харӑсах чи пӗчӗк вӑхӑт шутне хупмалла, унсӑрӑн хулара транспорт лару-тӑрӑвӗ кӑткӑс пулать. Хула ҫыннисене маларах планласа хума пултарччӑр тесен хыпарсене вӑхӑтра тата туллин пӗлтермелле. Харпӑр хӑй транспорчӗпе сахалтарах тухма ыйтмалла», – тесе сӑмаха ҫавӑрнӑ Олег Николаев.

Палӑртса хӑварар, автоҫулсене упраса хӑварассипе тивӗҫтерес тӗллевпе пуш уйӑхӗн 30-мӗшӗнчен пуҫласа ака уйӑхӗн 30-мӗшӗччен 2025 ҫулта Чӑваш Республикинче регион тата муниципалитетсем хушшинчи пӗлтерӗшлӗ автомобиль ҫулӗсем тӑрӑх пысӑк тиевсене ҫӳреме вӑхӑтлӑх чару кӗртӗҫ.