Чӑваш Енре Космонавтика кунне курӑмлӑн паллӑ тунӑ. Чӑваш Республикин Пуҫлӑхӗ Олег Николаев Шуршӑл салинчи Космонавтика музейне юсаса ҫӗнетмелли плансем ҫинчен каласа панӑ.

Йӑлана кӗнӗ  тӑрӑх хӑнасем чи малтан  пӗрремӗш космонавт Юрий Гагарин палӑкӗ патне чечек ҫыххисем хунӑ.  Церемоние Олег Николаев хутшӑннӑ, вӑл пурне те ҫак паллӑ  кун ячӗпе  саламланӑ, Чӑваш Ен Андриян Николаевӑн 3-мӗш номерлӗ космонавтӑн тӑван ҫӗршывӗ пулнисӗр пуҫне Раҫҫейре космонавтика аталанӑвне те хастар хутшӑннине палӑртнӑ.

Уявӑн тӗп мероприятийӗсем Шуршӑл салинчи мемориал комплексӗнче – Совет Союзӗн икӗ хут Геройӗн, СССР летчик-космонавчӗн Андриян Николаевӑн тӑван тӑрӑхӗнче  иртнӗ. СССР летчик-космонавчӗн А. Г. Николаевӑн Мемориал комплексӗн космонавтика музейӗнче ҫамрӑк космонавтсен отрячӗсем, кадетсем, ӗҫ коллективӗсен делегацийӗсем, хӑнасем пуҫтарӑннӑ.

 «Кӑҫал Раҫҫей Президенчӗ Владимир Путин пулӑшнипе космонавтика музейӗн ҫуртне тахҫантанпах кӗтнӗ реконструкцие хута яратпӑр. Владимир Владимирович пирӗн шухӑшпа пӗр сӑмахсӑрах килӗшрӗ. Ку вӑл ахаль музей кӑна мар, хальхи технологисемпе музей-вӗрентӳ комплексӗ пулӗ. Кунта кӑсӑклӑ пуласса шанса тӑратӑп, уйрӑмах космоспа кӑсӑкланакан ачасемшӗн паха пулассине ӗненетӗп», – тесе каланӑ вӑл сӑмаха малалла тӑснӑ май Олег Николаев.

Торжествӑлла пай хыҫҫӑн митинга хутшӑнакансем Андриян Николаев летчик-космонавта асӑнса чыс тунӑ,  вил тӑпри патне чечексем хунӑ, Космонавтика музейӗпе тӗплӗн паллашнӑ.

Ҫак кунах Шупашкар – Ҫӗнӗ Шупашкар – Шуршӑл – Ҫӗнӗ Шупашкар маршрутпа Ҫӗнӗ Шупашкар йӑлана кӗнӗ велочупу иртнӗ.