Чӑваш Ен Пуҫлӑхӗ Олег Николаев  йӗркелесе ертсе пыракан Чӑваш Республикинчи ятарлӑ ҫар операцийӗн участникӗсемпе ветеранӗсем валли регион программине пурнӑҫлас енӗпе ӗҫлекен  «Время СВОих» общество канашӗ программӑна хутшӑнакансене тата резервистсене ҫирӗплетнӗ.

 «Пысӑк ӗҫ тунӑ, программӑна хутшӑнакансем тӗрӗслевсен темиҫе тапхӑрне те иртнӗ. Вӗрентӗвӗн пӗрремӗш юхӑмне 33 кандидата ҫирӗплететпӗр, резерва та 39 ҫын. Ҫав тери пысӑк тупӑшупа иртсе пынӑ ӑмӑрту. Паллӑ, сӑлтавӗ мӗншӗн тесен эпир малашлӑхра ертсе пыракан должноҫа йышӑнакан кашни ҫыншӑн яваплӑх тытатпӑр.  Вӗсем  регионӑн пуласлӑхӗшӗн те пысӑк яваплӑх тытаҫҫӗ», – тесе уҫӑмлатса каланӑ хӑйӗн сӑмахӗнче Чӑваш Республикин Пуҫлӑхӗ.

Чӑваш Республикинчи патшалӑх граждан служащийӗсен тата муниципалитет служащийӗсен компетенцийӗсене аталантаракан центр директорӗ Дарья Бачурина палӑртнӑ тӑрӑх, «Время СВОих» регион программине хутшӑнма Раҫҫейӗн 25 регионӗнчен 388 заявка панӑ.

Претендентсен списокне куҫӑн Программӑна СВО ветеранӗсен, ҫавӑн пекех Росгвардипе военкоматра тӑракан 33 кандидат кӗнӗ. 10 потенциаллӑ хутшӑнакан вӑтам професси пӗлӗвӗ, 23 – 1 тата ытларах аслӑ пӗлӳллӗ илнисем. Вӗсенчен 7-шне Паттӑрлӑх орденӗпе чысланӑ. Ытти регионсенчен 3 кандидат: Саратовран, Чӗмпӗртен, Чулхуларан.

РАНХиГС Шупашкарти филиалӗн директорӗ Любовь Ильина каланӑ тӑрӑх, вӗрентӳ программине чи лайӑх вӗрентӳ практикисене тӗпе хурса хатӗрленӗ, «Герой вӑхӑчӗ» федераци программине пурнӑҫлас опыта шута илнӗ.  РАНХиГС Шупашкарти филиалӗнчен вӗренсе тухсан, унта пӗлӳ пухнисене дипломсем парӗҫ.

Ҫавӑн пекех Олег Николаев пӗрремӗш юхӑма хутшӑнакансемпе тӗл пулса  калаҫма хатӗррине пӗлтернӗ. Чӑваш Республикин Пуҫлӑхӗн пулӑшуҫин тивӗҫне пурнӑҫлама кандидатсенчен пӗрне суйласа лартасси пирки, ӑна СВО тата мӗнпур структурӑсемпе тачӑ ҫыхӑнса ӗҫлеме палӑртассине те асӑннӑ.