Кӑҫал Шупашкарсӑр пуҫне Республика кунӗ Етӗрне округӗнче иртӗ. Уявра йӑлана кӗнӗ мероприятисем пулӗҫ: «Руҫ ӑстисем», «Раҫҫей ҫӑлкуҫӗсем», «Эпӗ – хӗрарӑм»… Июнĕн 23-мӗшӗнче чӑваш эстрада артисчӗсен концерчӗ пулӗ. Вӑл 21 сехетре пуҫланӗ, унта Сергей Павлов, Алина Федорова, Валентина Кузнецова, Алексей Шадриков, Катя Петрова, Сергей Лекеров тата ыттисем юрлӗҫ.

Июнĕн 24-мӗшӗнче вара каҫхине Хӗрлӗ тӳремри сцена ҫинче Раҫҫейри паллӑ юрӑҫ Татьяна Кортукова концерт лартӗ.