Хисеплӗ ентешӗмӗрсем! Пирӗн илемлӗ Чӑваш Енӗн хаклӑ ҫемйисем!

Сире Ҫемье, юрату тата шанчӑклӑх кунӗпе чун-чӗререн саламлатӑп!

Пирӗн республикӑшӑн ку уяв – уйрӑм пӗлтерӗшлӗ. Чӑваш ҫӗрӗ мӗн авалтан йышлӑ та туслӑ ҫемьесемпе тата йӑх-ӑрӑвӑн пуян йӑли-йӗркипе палӑрса тӑрать. Чӑвашсен ваттисен сӑмахӗнче калашле: «Икӗ ҫын – пӗр мӑшӑр, ҫичӗ ҫын – пӗр ҫемье». Пирӗн вӑй – тӑван йӑла-йӗркере.

Ҫемье – ҫыннӑн тӗп тӗрекӗ. Ахальтен мар Владимир Владимирович Путин Президентӑмӑр ҫемьесене пулӑшасси тата ҫемье хаклӑхӗсене ҫирӗплетесси ҫине уйрӑмах пысӑк тимлӗхпе пӑхать: «Ҫемьере пирӗн культура, пӗрешкеллӗх, наци характерӗ йӑл илет», – тесе палӑртать вӑл. Эпӗ ҫав сӑмахсемпе пӗтӗмпех килӗшетӗп.

Чӑваш Енри нумай ачаллӑ ҫемьесене – тивӗҫлӗ хисеп тата уйрӑм тав сӑмахӗсем! Вӗсем пирӗн 19 пин ытла. Республикӑри кашни тӑваттӑмӗш ача нумай ачаллӑ ҫемьере, пиччӗшӗ-аппӑшӗ ҫумӗнче ӳссе ҫитӗнет.

Патшалӑх паракан пулӑшу майӗсене эпир ҫулсерен анлӑлатса пыратпӑр. Республикӑн ача амӑшӗн (ҫемье) капиталӗпе 17 пин ытла ҫемье усӑ курнӑ та ӗнтӗ. 2022 ҫултанпа ултӑ Ҫемье центрне хута янӑ, унта ачасене пӑхса ҫитӗнтерес, аталантарас тата вӗсен канӑвне йӗркелес енӗпе яланах вырӑнлӑ сӗнӳ-канаш илме пулать.

Ҫапах та, хаклӑ ентешӗмӗрсем, чи кирли – сирӗн килӗрте юрату тата ӑшӑлӑхпа шанӑҫлӑх хуҫаланни. Ашшӗ-амӑшӗ хӑйӗн тӗпренчӗкӗсемшӗн тӑрӑшни тата ачасен куҫӗсем телейпе ҫиҫни. Ҫакӑ пурте – ҫемье телейӗ, ӑна нимӗнле йывӑрлӑх та ҫӗнеймест.

Кашни чӑваш ҫемйине ҫирӗп сывлӑх, тулӑх пурнӑҫпа ӑнӑҫусем тата малашлӑхалла шанчӑклӑн пӑхма сунатӑп.

Сире мӑн асаттемӗрсен ырӑ йӑли-йӗрки тата хӑвӑр йӑх-ӑру хӑвачӗ яланах тӗрӗс-тӗкел сыхласа упраччӑр!

Чӑваш Республикин
Пуҫлӑхӗ                                                                Олег Николаев