Чӑваш Ен Пуҫлӑхӗ Олег Николаев патшалӑх наградисене – ятарлӑ ҫар операцине хутшӑнакансене тата вӗсен ҫывӑх ҫыннисене орденӗсемпе медальсем парса чыс тунӑ. Сумлӑ церемони Хӗрлӗ Чутай салинче Культурӑпа кану паркӗнче иртнӗ. Унта Хӗрлӗ Чутай муниципаллӑ округӗн пуҫлӑхӗ Иван Михопаров, Етӗрне тата Хӗрлӗ Чутай муниципаллӑ округӗсен ҫар комиссарӗ, Александр Прокопьев подполковник, СВО паттӑрӗсемпе ветеранӗсем, общественность представителӗсем хутшӑннӑ.

 «Хисеплӗ хӗрлӗчутайсем! Ҫак самантра ятарлӑ ҫар операцийӗн воинӗсен наградисене ҫывӑх ҫыннисене парса эпир хамӑрӑн хаклӑхсем тавра, хамӑрӑн аслӑ держава – Раҫҫей Федерацийӗ тавра пӗрлешетпӗр. Эпир хамӑрӑн йӑла-йӗркесене чыслас,  палӑртнӑ тӗллевсемпе килӗшӳллӗн пурӑнас, малашлӑха хамӑр курас тенӗ пек тӑвас ӗмӗтпе пӗр шухӑшлӑ пулнине палӑртатпӑр. Паян пирӗн ентешсем Тӑван ҫӗршыва хӳтӗлеҫҫӗ. Пирӗн пурнӑҫ епле пуласси ҫӗнтерӳрен пӗтӗмпех килет!» — тесе палӑртса каланӑ паллӑ пулӑма пухӑннисене тав туса республика  Пуҫлӑхӗ.

Раҫҫей Президенчӗн Владимир Путинӑн Указӗпе килӗшӳллӗн Чӑваш Ен Пуҫлӑхӗ Олег Николаев Евгений Николаевич Катеркинӑн аппӑшне – Наталья Макаровӑна, орден панӑ,  унӑн шӑллӗ ҫар тивӗҫне пурнӑҫлас хӑрушлӑхпа ҫыхӑннӑ условисенче тунӑ ҫитӗнӳсем ӗмӗр пирӗн асӑмӑрта упранассине каланӑ.

 «Хӑюлӑхшӑн» медале тата Хӑюлӑх орденне Олег Николаев Сергей Валерианович Сергеевӑн мӑшӑрне, Наталья Петровнӑна, панӑ.  Паттӑра Раҫҫей Федерацийӗн патшалӑх интересӗсене хӳтӗленӗ чухне ҫапӑҫусенче паттӑрлӑхпа хӑюлӑх кӑтартнӑшӑн, ҫавӑн пекех ҫар тивӗҫне пурнӑҫланӑ чухне тунӑ хӑюллӑ ӗҫсемшӗн наградӑланӑ пулнӑ.

Раҫҫей Федерацийӗн хӳтӗлев министрӗн приказӗпе килӗшӳллӗн, кӗрешӳ условийӗсенче тата ятарлӑ операцисене пурнӑҫланӑ чухне хӑрушлӑхпа ҫыхӑннӑ условисенче палӑрнӑ паттӑрлӑхпа хастарлӑхшӑн тата хӑйсене шеллемесӗр ӗҫленӗшӗн Чӑваш Ен Пуҫлӑхӗ Олег Николаев СВО ветеранне Юрий Сядакина медаль парса чысланӑ.

 «Наградӑшӑн тав сӑмахӗ калас килет. Хамӑр округра пурӑнакансене, пирӗн ачасене, СВО-на хутшӑнакансене, тав тумалла. Утӑм хыҫҫӑн утӑм туса эпир хамӑрӑн ҫӗнтерӗве ҫывхартса пыратпӑр. Ҫӗнтерӳ пирӗн енчех пулать!» – тесе палӑртса каланӑ СВО ветеранӗ.

Хӗрлӗ Чутай муниципаллӑ округӗнчи СВО воинӗсен ҫемйисем патне тӑтӑшах командирӗсенчен службӑра тӑни ҫинчен калакан ҫырусем  килеҫҫӗ. Вӗсенчен пӗринпе паллӑ пулӑмра паллаштарнӑ.

Чӑваш Ен Пуҫлӑхӗ Олег Николаев 71-мӗш уйрӑм батальон командирӗн Тав ҫырӑвне Карымбаев майорӑн ятарлӑ тивӗҫне пурнӑҫлакан ашшӗ-амӑшне – Галина Вячеславовнӑпа Вячеслав Александрович Кудряшова тата унӑн мӑшӑрне Ольгӑна панӑ.

Церемоние хутшӑнакансем вилнӗ ҫынсене асӑнса пӗр минутлӑха шӑплӑха тытнӑ. Ятарлӑ ҫар операцийӗн воинӗсен монуменчӗ патне чечексем хунӑ, вӗсен паттӑрлӑхне тата хӑйсене шеллемесӗр ӗҫленине хисеп туса, вӗсен умӗнче пуҫ тайнӑ.