Чӑваш Ен Пуҫлӑхӗ Олег Николаев Раҫҫей ДОСААФӗн председателӗпе Денис Добряковпа ӗҫлӗ тӗлпулу ирттернӗ. Уҫӑ калаҫӑва «МАЧ» тулли мар яваплӑ обществӑн генеральнӑй директорӗ Руслан Минаев хутшӑннӑ.  Ертӳҫӗсем ҫӗршыв хӳтӗлев хӑватне витӗм кӳресси пирки тата вӗренӳ пайӗн пурлӑх базине ҫӗнетсе улӑштарасси ҫинчен тӗплӗн сӳтсе явнӑ. Чăваш Енри Шупашкар хулинчи аэропорт, Раççейри пысăк аэропортсенчен пĕри. Аэропортпа пӗрле ӗҫлемелли ҫул-йӗр карттине пурнӑҫа кӗртессипе ҫыхӑннӑ ӗҫ хутне алӑ пусса ҫирӗплетнӗ.

 «Паянхи лару-тӑрура патриотла воспитани парас, граждансене ҫар-учет специальноҫӗсем хатӗрлес енӗпе системӑллӑ ӗҫ уйрӑмах пысӑк пӗлтерӗшлӗ. Чӑваш Ен - ҫак ӗҫ-хӗлӗн паллӑ центрӗ. Эпир профильлӗ инфратытӑма хальхи йӗркепе ҫӗнететпӗр, «Авангард» тата «ВОИН» центрсене аталантаратпӑр. Республикӑри ҫулсерен 400 ытла пин ҫамрӑк патриотла мероприятисене хутшӑнать», - палӑртнӑ Олег Николаев.

Регионта ҫамрӑксене валли хальхи пурнӑҫра сайра тата кирлӗ специальноҫсене алла илме  хӑйне евӗр лапамсем йӗркеленеҫҫӗ. Ҫак ҫул-йӗре аталантарса ҫирӗплетес  тӗллевпе Раҫҫей ДОСААФӗн Чӑваш Республикинчи уйрӑмне патшалӑх енчен туллин пулӑшӗҫ, ҫав шутра республика бюджетӗнчен субсидисем парӗҫ.

Ку енӗпе ӗҫ пысӑк документ алӑ пусичченех  кирлӗ пек шайра пулса пынӑ регионта. Ҫӗрпӳ районӗнчи «Звездный» лагерь никӗсӗ ҫинче Раҫҫейри ДОСААФӑн Шупашкарти авиаципе спорт клубӗ валли хальхи вӗренӳ корпусӗсем ҫӗкленеҫҫӗ, ҫӗнӗ вӗҫев-хӑпарӑв полоси проекчӗ хатӗрленет.