Ҫеҫпӗл Мишши ячĕллĕ çамрăксен театрĕнче, «Çӗнтерӳçӗсен хăвачӗ: СВО» документаллă фильм премьери пулнӑ. Ӑна Чăваш Енрен тухнă Тăван çĕршыв хӳтӗлевçисене халалланă.  Картинӑна Мариупольпе Артёмовска ирӗке кăларнăранпа çулталăк çитнине палӑртса ӳкернӗ. Фильм паянхи куна сӑнарлать.  Сюжетсене пулса иртнӗ пулӑмсенчен калӑпланӑ.   

 «Çӗнтерӳçӗсен хăвачӗ: СВО» документаллă лента пысӑк пӗлтерӗшлӗ халӑхшӑн.   Вăл çынсене халӗ çапăçу пыракан чăн-чăн сăнсене курма тата вĕсен чӗрӗ сассисене итлеме май парать. Фильм пире, аслисене тата ӳсекен ăрăва, пулса иртекен лару-тăрăва тарăнрах ăнланма тата мирлӗ пурнӑҫ хакне туйса илме пулăшать. Эпир кун пек пуçарусене кăна мар, вĕсемпе активлă хутшăнăпăр тата ҫак материалсене Наци музейне, çавăн пекех Раҫҫей Федерацийӗн Президенчӗ Владимир Путин хушнипе йӗркеленӗ Наци информаци центрне парса хăварӑпӑр. Сюжетсем чӑнлӑха ҫирӗплетеҫҫӗ», – тесе уйрӑммӑн палӑртса каланӑ  Чӑваш Ен Пуҫлӑхӗ Олег Николаев.

Паллӑ пулӑма кӑтартиччен хӑнасем интеррактивлӑ площадкӑсене пӑхса тухнӑ. Курма килекенсем хӗҫ-пӑшал пухса салатма е беспилотник тытса пӑхма пултарнӑ. «Волонтерсем пулӑшма килеҫҫӗ» ятлӑ фотокурав уйрӑмах  хӑнасене кӑсӑклантарнӑ.  Ӑна Чӑваш Ен аталанӑвӗн «Пӗрле» фончӗпе Чӑваш Ен Хӗрарӑмӗсен союзӗ хатӗрленӗ. Экспозици республикӑри  ентешӗмӗрсем кунсерен чикӗ хӗрринчи регионсенчи лӑпкӑ пурнӑҫпа пурӑнакансене тата ҫар ҫыннисене мӗнле пулӑшни ҫинчен тӗплӗн каласа парать.

Çак жанрти фильмсен пысăк пĕлтерĕшлĕ вĕрентӳ тивĕçĕ. Аслă Отечественнăй вăрçă вĕçленнĕренпе 81 çул иртсен, ӳссе çитĕннĕ çамрăксем, хăйсен ашшĕ-аслашшĕсем тахçан тунă пекех, историллĕ чĕнӗве йышăнчĕç, хăйсен патшалăхĕн суверенитечĕпе пуласлăхне сыхласа хăварас тесе сахал мар тӑрӑшаҫҫӗ. Фильм республика шайĕнче истори чăнлăхне упрас енĕпе пурнăçлакан анлă проектсене тӳрреммӗн кӑтартать. Маларах СВО ветеранĕсен Ассоциацийĕн регионри уйрăмӗ «Тăван çĕршыв сасси» медиа-проект пуçарса ячӗ, унăн шайӗнче Чăваш Енрен малтанхи 40 видеомонолог Раççей Президенчĕ Владимир Путин хушнипе йӗркеленекен пӗтӗм наци цифра архивне ярса панăччӗ. Халĕ çак пысăк пӗлтерӗшлӗ тивӗçе бизнес хастар хутшӑнать. Чӑваш энергосбыт компанийӗ, Трансэнергопром компанисен ушкӑнне кӗрекенскер, документлӑ лента туни хӳтӗлекенсене пулӑшасси тата вӗсен паттӑрлӑхӗ ҫинчен аса илесси пӗтӗм обществӑн ӗҫӗ пулса тӑнине  тепӗр хут ҫирӗплетет.

 «Пӗлтӗр ҫу уйӑхӗн 9-мӗшне эпир «Ҫӗнтерӳҫӗсен хӑвачӗ» проектӑн пӗрремӗш пайне ӳкерсе хатӗрлерӗмӗр, унта Аслӑ Отечественнӑй вӑрҫӑ паттӑрӗсем ҫинчен каласа патӑмӑр. Пирӗншӗн чи кирли – халӗ малти линире тӑракансен шӑписене кӑтартасси тата вӗсен ҫемйисем ҫинчен каласа парасси. Эпир хамӑр паттӑрсене пур енлӗн пулӑшма тӑрӑшӑпӑр. Ҫӗнтерӳ пирӗн енче пулӗ», – тесе каланӑ хӑйӗн ум сӑмахӗнче  «Трансэнергопром» ТЯО генеральнӑй директорӗ Александр Кондратьев.

Регион Пуҫлӑхӗ картинӑри тӗп геройсене – кӗҫӗн лейтенант Рустам Широкова тата гварди сержанчӗ Сергей Бородавкина тав хучӗсем парса чысланӑ. Гварди подполковникӗ Димитрий Осиповпа тата гварди аслӑ лейтенанчӗпе Юрий Богданов, халӗ ятарлӑ ҫар операцийӗн зонинче ҫар задачисене пурнӑҫлаҫҫӗ, паллӑ пулӑма килсе ҫитеймен. Олег Николаев вӗсен наградисене тӑванӗсене панӑ. Документлӑ фильма тума пулӑшнисен тӳпине пысӑка хурса хакланӑ. «Про Менеджмент» ТЯО генеральнӑй директорне Павел Волкова, Чӑваш Республикин Пуҫлӑхӗн Администрацийӗн мобилизаци ӗҫӗсен уйрӑмӗн пуҫлӑхӗн ҫумне Владимир Кириллова тата «Трансэнергопром» ТЯО генеральнӑй директорне Александр Кондратьева Чӑваш Ен Пуҫлӑхӗн Тав хучӗсене парса чысланӑ.

 «Тӑван ҫӗршыв умӗнчи тава тивӗҫлӗ ӗҫсемшӗн» II степень орден медалӗпе «Концерн «Тракторные заводы» ООО генеральнӑй директорне Андрей Водопьянова парса чысланӑ.

 «Ҫак фильма пӑхса, вӑрҫӑ тата фронт пурнӑҫӗ ҫинчен каласа паракан питӗ тарӑн та чун-чӗрен тухакан калавсем урлӑ эпир ҫӗнтерӳ мӗнле йывӑррӑн туптанине ӑнланатпӑр. Эпӗ хамӑрӑн мӗнпур хӳтӗлевҫӗсене пысӑк тав сӑмахӗ каласшӑн: шӑпах эсир пире йывӑр ятарлӑ ҫар операцийӗ пынӑ вӑхӑтра лӑпкӑн пурӑнма тата ӗҫлеме май паратӑр. Тавтапуҫ сире! Пӗрле эпир пурне те ҫӗнтеретпӗр!», – тенӗ сӑмаха ҫавӑрса.