89-мӗш хутчен каякан гуманитари тиевне Запорожье облаҫӗпе Донецк халӑх республикинче вырнаҫнӑ виҫӗ ҫар чаҫне ӑсатнӑ. Пулӑшӑва йӗркелессипе ӑсатассине план тӑрӑх кӑна мар, подразделенисен ятарлӑ ыйтӑвӗсем тӑрӑх - халӗ мӗн кирлине шута илсе - пурнӑҫланӑ.

Республикӑри строительство предприятисем УАЗ PICKUP маркӑллӑ икӗ ҫӗнӗ автомобиль панӑ. «Пӗрле» фондран - вунӑ квадрокоптер, «Инкубатор 2.0» радиосигнала вӑйлатмалли пилӗк комплект, ултӑ генератор, ултӑ портативлӑ электростанци, ҫавӑн пекех паттӑрсем валли  ӗҫмелли шыв.

Чӑваш Енри волонтерсен пӗрлешӗвӗсем 1080 плита ОСБ, маскировка сеткисем, рацисем, буржуйка кӑмаки тата апат-ҫимӗҫ хатӗрленӗ.

«Ку пулӑшу - пӗрлехи ӗҫӗн кӑтартӑвӗ. Предприятисем, «Пӗрле» фонд, волонтерсем, республикӑри халӑх каллех пӗрлешрӗҫ, пирӗн хӳтӗлевҫӗсем  валли пӗтӗмпех мӗн кирлине пухма тӑрӑшаҫҫӗ, паттӑрсем патне илсе ҫитерме витӗм кӳреҫҫӗ. Пысӑк тӳпе хывнӑшӑн, пурне те пысӑк тав. Салтаксем ҫӗршыва хӳтӗленӗ чух, пирӗн тивӗҫ - вӗсемшӗн шанчӑклӑ тыл пуласси», - тесе сӑмаха ҫавӑрса каланӑ  Чӑваш Республикин Пуҫлӑхӗ Олег Николаев.