2026 ҫулхи утӑ уйӑхӗн 16-мӗшӗнчен пуҫласа 19-мӗшӗччен Чӑваш Республикинче  «Чикӗре» ятпа  V-мӗш Пӗтӗм Раҫҫейри вӑрҫӑпа истори клубӗсен тата шырав отрячӗсен фестивалӗ иртет.

 «Ку – иртнипе тарӑнрах паллашма витӗм кӳрекен хӑйне евӗр пулӑм пулса тӑрӗ: Аслӑ Отечественнӑй вӑрҫӑ вӑхӑтӗнчи чӑн-чӑн ҫар техникинче курма, шырав отрячӗсен йывӑр та питӗ пысӑк пӗлтерӗшлӗ кӑсӑклӑ ӗҫӗпе паллашма пулать. Пӗр шухӑшлисемпе тӗл пулни,  пӗр-пӗрин паха ӗҫ опычӗпе паллашни пирӗн халӑхӑн аслӑ паттӑрлӑхне упраса хӑварма пулӑшать. Пӗрле эпир ӑрусен ҫыхӑнӑвне туйса илетпӗр, вӑл пире вӑй-хӑват хушӗ», – тесе палдӑртса каланӑ  Чӑваш Ен Пуҫлӑхӗ Олег Николаев.

Фестиваль тӑватӑ кун хушши пырать. Пуян та кӑсӑклӑ программа хатӗрленӗ йӗркелӳҫӗсем.    Антуражлӑ ҫар лагерӗн ӗҫӗ, ретро-автомобильсен куравӗ, вырӑнти вӑрҫӑпа тактика маневрӗсем, шырав ӗҫне тата вӑрҫӑ историйӗпе халалланӑ тематика квест-вӑййисем пулӗҫ.

Фестивалӗн тӗп пулӑмӗ - масштаблӑ вӑрҫӑпа истори реконструкцийӗ. Кӑҫал ӑна Хӗрлӗ Ҫар ҫӗнтерӳпе вӗҫленнӗ Львовпа Сандомирский стратегилле операцийӗн 82-мӗш ҫулне халалланӑ. Историксем ӑна вӑрҫӑ летописӗнчи чи пысӑк операцисенчен пӗри теҫҫӗ. Реконструкцинче Раҫҫей Федерацийӗн 14 регионӗнчен тата Беларусь Республикинчен килнӗ 29 вӑрҫӑпа истори клубӗ хутшӑнма кӑмӑл тунӑ.