Чӑваш Енре пиллӗкмӗш хут «Чикӗре» ҫарпа истори клубӗсен тата шырав отрячӗсен Пӗтӗм Раҫҫейри фестивалӗ иртнӗ. Ӑна республикӑра ҫуралса ӳснисен паттӑрла та ӗҫри паттӑрлӑхне халалланӑ. Мероприяти Куславкка муниципаллӑ округра вырнаҫнӑ «Строителям безмолвных рубежей» мемориаллӑ комплекс лапамӗнче пулнӑ. Чӑваш Ен Пуҫлӑхӗ Олег Николаев паллӑ пулӑма хутшӑннӑ, чӗрӗ чечек ҫыххи хурса паттӑрсене тав тунӑ. Фестиваль хӑнисемпе тата хутшӑнаканӗсемпе пӗрле вӑл Тӑван ҫӗршыв сыхлавҫисене асӑнса пӗр минут шӑплӑх тытса пуҫ тайнӑ.

Республика Пуҫлӑхӗ истори асне упраса хӑварнӑшӑн ҫамрӑксене тата вӗсен наставникӗсене тав тунӑ. «Чикӗре» форум ирттерме пуҫланӑранпа нумай профильлӗ лапам пулса тӑнӑ, вӑл ӑс-хакӑлпа вӗрентӳ ӗҫне, професси дискуссине тата ҫарпа историлле реконструкцие пӗрлештерет, унӑн «Строителям безмолвных рубежей» мемориал патӗнче иртни фронтпа тыл пӗрлӗхне ҫирӗплетет.

Ҫӗнтерӳҫӗсен ӑрӑвӗ хывса хӑварнӑ хаклӑхсем паянхи йывӑрлӑхсене хирӗҫ тӑма, вӗсене парӑнтарма витӗм кӳнине каланӑ регион Пуҫлӑхӗ Олег Николаев. «Раҫҫейри Халӑхсен пӗрлӗхӗн ҫулталӑкӗнче тепӗр хут туйса илетпӗр: Тӑван ҫӗршывӑн Аслӑ вӑрҫи ҫулӗсенче те, паян та ҫӗршыв вӑйӗ - пӗрлӗхре пулнине ӑнланатпӑр. Шкул ачисемпе студентсем мӗн чухлӗ нумайрах историпе чунтан кӑсӑкланнине, тӗрӗслӗхе упраса хӑварассишӗн вӑйсене пӗрлештернине курса, эпӗ ҫак асилӗве тепӗр ӑрусене парса хӑваратпӑрах тесе шанатӑп. Эпир яланах астуса пурӑннӑ, астуса тӑратпӑр та малашне те астуса тӑрӑпӑр несӗлсен паттӑрлӑхне. Вӗсен еткерлӗхӗ ҫине таянса, эпир ҫӗршыва аталантарӑпӑр, ҫӗнӗ йӑласем йӗркелӗпӗр тата хӑюллӑн малалла кайӑпӑр. Ҫӗнтерӳ яланах пирӗн енче пулӗ», - тенӗ Чӑваш Республикин Пуҫлӑхӗ Олег Николаев.

Регион Ертӳҫи шырав отрячӗсен куравӗсемпе паллашнӑ. Хастарсемпе уҫӑ калаҫу ирттернӗ май Олег Николаев историлле тӗрӗслӗхе упраса хӑварнин пӗлтерӗшне уйрӑммӑн палӑртнӑ. Ку ӗҫре вак-тӗвек пулма пултараймасть. Тупса палӑртнӑ кашни ят, тупнӑ кашни япала - пирӗншӗн ӗмӗрлӗх асра тытмалли пулӑмсем.

«Казаксен станици» курав хӑнасене казаксен пурнӑҫӗпе йӑлисемпе паллаштарма май панӑ. «Тӑван ҫӗршывӑн Аслӑ вӑрҫи вӑхӑтӗнчи радиоҫыхӑну» лапамра ун чухне ҫыхӑнӑва тивӗҫтернӗ радиостанцисен ӗҫлекен тӗслӗхӗсене кӑларса тӑратнӑ, «Вӑрнартан Кенигсберга ҫити» темӑллӑ курав хӑйне евӗр куракансене кӑсӑклантарнӑ.

Республика Пуҫлӑхӗ ҫавӑн пекех тематика зонисене те ҫитсе курнӑ. Ҫар техникинчен чи паллӑ тӗслӗхсене кӑларса тӑратнӑ. Хӑнасем ҫӑмӑл броня техники, фронтри автомобильсем, мотоциклсем, артиллерири тупӑсем тата Тӑван ҫӗршывӑн Аслӑ вӑрҫи тапхӑрӗнчи танка курса хакланӑ. Машинӑсен пӗр пайне фестивалӗн тӗп пулӑмӗ пулса тӑнӑ анлӑ масштаблӑ ҫарпа историлле реконструкци шайӗнчи хӑвӑрт кӑтартусенче усӑ курнӑ.

Ҫарпа историлле реконструкцин ҫапӑҫӑвӗсенче Раҫҫейри 14 регионтан тата Беларуҫ Республикинчен килнӗ 29 клуб представителӗсем хутшӑннӑ.

Аса илтеретпӗр, Чӑваш Енре 81 шырав отрячӗ ӗҫлет. Регион правительстви ҫак ӗҫе тытӑмлӑн пулӑшса тӑрать: 2025 ҫулта шкулпа ҫамрӑксен шырав пӗрлешӗвӗсене аталантарма Чӑваш Республикин Пуҫлӑхӗн сакӑр уйрӑм грантне панӑ. Чӑваш шыравҫисен хатӗрлев шайӗ федераци шайӗнче яланах ҫирӗпленсе пырать - республика команди «Никто не забыт» (Никам та манӑҫман) Атӑлҫи федераци округӗнчи шырав отрячӗсен слетӗнче йӑлана кӗнӗ тӑрӑх малти вырӑнсене йышӑнать.

«Ҫамрӑксен шырав юхӑмне интересленесси ӳссех пырать, вӗсен экспедицийӗсем музей фончӗсене пуянлатаҫҫӗ. Анчах чи кирли — ятсем таврӑнаҫҫӗ. Паянхи кун ачасем совет салтакӗсен темиҫе теҫетке шӑммисене чавса кӑларни ҫинчен каласа пачӗҫ, вӗсен шӑписем нумай ҫул хушши паллӑ пулман. Вӗсем хӑйсен ӗҫне яваплӑхпа тата мӑнаҫпа пурнӑҫлаҫҫӗ, ку питӗ пысӑк хисепе тивӗҫ. Вӗсем пулӑшнипе пирӗн вилнӗ Тӑван ҫӗршыв сыхлавҫисен ҫемйисене вӗсен аслашшӗсемпе мӑн аслашшӗсем Тӑван ҫӗршывшӑн юлашки хут ҫапӑҫӑва кӗнӗ вырӑнта ӑҫта пулнине ӑнланма май парать, вӗсем ҫухалман, вӗсен ячӗ халӗ те чӗрӗ. Шӑпах ҫавӑнпа та шырав юхӑмӗ аталанса пымалла, мӗншӗн тесен вӑл обществӑра чӑннипех кирлӗ», - тенӗЧӑваш Республикин Пуҫлӑхӗ Олег Николаев.