Утӑ уйӑхӗн 25-мӗшӗнчен пуҫласа ҫурла уйӑхӗн 2-мӗшӗччен Чӑваш Республики агротуризма, гастрономие тата профессилле пӗрлӗхе юратакансемшӗн, хӑмлапа ҫырла ҫитӗнтерме специализациленекенсемшӗн туртӑм центрӗ пулса тӑнӑ. «Раҫҫей ялӗ» проект шайӗнче йӗркеленӗ икӗ паллӑ мероприяти - Пӗтӗм Раҫҫейри V «Зелёное золото России-2026» тата IV Ҫырла фестивалӗ - 57 пин ытла ҫынна пухнӑ.

 «Фестиваль канмалли сӑлтавсенчен пӗри кӗна мар,  ку вӑл чи малтанах хӑмла ӗрчетес тата ҫырла ӗрчетес ӗҫе аталантарас, таварсене тарӑннӑн тирпейлес, ҫӗнӗ шая кӑларас тата шанчӑклӑ партнерсене явӑҫтарас ӗҫ хатӗрӗ. Унсӑр пуҫне ҫакӑн пек пулӑмлӑ формат регион имиджне аталантарма тата туризма ҫирӗплетме витӗм кӳрет. Ҫапах та эпир планкӑна мӗн чухлӗ ҫӳлерех ҫӗкленине, ҫӗнӗ идейӑсем ҫавӑн чухлӗ ытларах кирлине ӑнланатпӑр. Малашлӑх пирки шухӑшламалла тата малалла каймалла», - тесе палӑртнӑ Чӑваш Ен Пуҫлӑхӗ Олег Николаев.

Вӑл мероприятисене йӗркелекенсене, фестивальсен площадкисенче хӑрушсӑрлӑхпа тивӗҫтернӗшӗн правӑна сыхлакан органсене тав сӑмахӗсем каланӑ.

Кӑҫал  хӑмла уявӗ 52 пин ытла хӑна пухнӑ. Хӑйсен продукцине 63 хутшӑнакан: 28 сӑра вӗретекен компанипе 35 общество апатланӑвӗн заведенийӗ тӑратнӑ. Чӑваш Ен Правительствипе Раҫҫей Ял хуҫалӑх министерстви йӗркелӳҫӗсем пулнӑ.   Тӗп партнёрӗ вара йӑлана кӗнӗ йӗркепе Россельхозбанк пулса тӑнӑ. Мероприяти хӑйне ҫӗршыври хӑмлаҫӑсем валли тӗп диалог лапамӗ пулса тӑнӑ.  Кунта селекци пуласлӑхне, сӑра вӗретекен хӑмла рынокне аталантарассине тата отраслӗн малашлӑхне сӳтсе явнӑ.

Кӑҫалхи фестивалӗн ӗҫлӗ программине ҫӗршыври вунсакӑр регионтан 58 эксперт, ӑсчахсем, преподавательсем, технологи, тирпейлекенсемпе инвесторсем хутшӑннӑ. Тӗп тимлӗхре ҫӗнӗ каналсене пуянлатасси, регионсен хушшинчи кооперацие аталантарасси, чӗртавара тарӑннӑн тирпейлес тата вузсем хушшинче килӗштерсе ӗҫлес ыйтусем пулса тӑнӑ.

«Эпир каллех пурсӑмӑр та пӗр чӑмӑра пухӑнтӑмӑр. Хутшӑнакансенчен ҫурри яхӑн - ку пирӗн яланхи экспертсем, вӗсем пирӗнпе темиҫе ҫул хушши пӗрле ӗҫлеҫҫӗ ӗнтӗ. Вӗсен опычӗ ҫинче никӗсленсе республикӑра хӑмла ҫитӗнтерес ӗҫе аталантарассишӗн пысӑк пӗлтерӗшлӗ те тухӑҫлӑ йышӑнусем тӑватпӑр. Хӑмла ӳстересси ҫамрӑк специалистсемшӗн  пысӑк туртӑм пулса тӑрать»,  - тесе каланӑ хӑйӗн ум сӑмахӗнче вице-премьер - Чӑваш Енӗн ял хуҫалӑх министрӗ Андрей Макушев.

Ҫурла уйӑхӗн 1-мӗшӗнчен пуҫласа 2-мӗшӗччен эстафетӑна 5 пин ытла ҫын пухнӑ IV Ҫырла фестивалӗ йышӑннӑ. Унӑн тӗп тӗллевӗ - Раҫҫейри ҫырла ҫитӗннин ҫитӗнӗвӗсене кӑтартасси, ҫӗнӗ ҫынсене агропромра ӗҫлеме хавхалантарасси тата вырӑнти производительсене пулӑшасси. Ӑна та ӑнӑҫлӑ пурнӑҫланӑ.

Малтанхи кун «Пехет» агромаркет площадкинче иртнӗ. Кунта 32 экспорт хутшӑнӑвӗллӗ курав анлӑ сарӑлнӑ, вӗсен хушшинче  республикӑри 12 ҫырла хуҫалӑхӗ. Вунӑ фермерӑн «Школа фермера» вӗренӳ проектӗнчен вӗренсе тухакансем пулни уйрӑмах савӑнтарать.

Фестивале хутшӑнакансен уйрӑмах «Фабрика процессов» ярӑмлӑ пилотлӑ проект кӑсӑклантарнӑ, ӑна Чӑваш Ен Пуҫлӑхӗ Олег Николаев хушнипе «Тухӑҫлӑ регион» пуҫару шайӗнче пурнӑҫлаҫҫӗ. Республикӑра ҫырла ӗрчетес ӗҫе аталантарассипе планпа палӑртнӑ ӗҫӗн пайӗ шутланакан асӑннӑ проекта пур тапхӑрсенче те перекетлекен производство принципӗсене пуҫласа хатӗр тавар кӑларас ӗҫ таранах  ӗҫе кӗртме тӗллев лартнӑ.

Ӗҫлӗ программа ӗҫне 450 ытла специалист хутшӑннӑ. Тӗнче тата федераци шайӗнчи ертсе пыракан экспертсем  хӑйсен паха опычӗсемпе паллаштарнӑ. Ҫӗршыври вун-вун регионтан удобрени, ӳсен-тӑрана хӳтӗлемелли хатӗрсемпе тата паха вӑрлӑхсемпе курма килекенсене паллаштарнӑ.

 Чӑваш Ен ҫырла тата декоративлӑ сад ӗрчетес енӗпе компетенцисен центрӗ пулса тӑнине каланӑ экспертсем.  Федераци округӗн шайӗнче кӑна мар, ҫӗршывӗпех  паллӑ пулса тӑчӗ регион.  Республика ыттисемшӗн тӗслӗх пулса тӑрассине те асӑннӑ вӗсем.