Шупашкарти патшалӑх филармонийӗнче Строитель кунне халалланӑ савӑнӑҫлӑ мероприяти иртнӗ. Кӑҫал професси пӗрлӗхӗ харӑсах икӗ дата – 70 ҫул уявпа 55 – Чӑваш Республикин Строительство, архитектура тата ЖКХ министерствине паллӑ тӑвать.

Хӑнасем валли республикӑри строительство отраслӗн историйӗпе ҫитӗнӗвӗсене халалланӑ юбилейлӑ фотокурав хатӗрлесе тӑратнӑ.  Кашни сӑнӳкерчӗк иртнӗ вӑхӑта сӑнарлать, строительсен регион аталанӑвне пысӑк тӳпе хывнине документлӑ ҫирӗплетсе парать.

Савӑнӑҫлӑ пухӑва Чӑваш Республикин Пуҫлӑхӗ Олег Николаев, РФ Патшалӑх Думин депутачӗ Анатолий Аксаков, Чӑваш Ен Патшалӑх Канашӗн Председателӗ Леонид Черкесов, Чӑваш Енӗн Министрсен Кабинечӗн Председателӗн ҫумӗ Олег Марков, Чӑваш Енӗн строительство, архитектура тата ЖКХ министрӗ Владимир Максимов, «Чӑваш Ен строителӗсен союзӗ» Регионсен пӗрлешӗвӗн председателӗ, Раҫҫей Федерацийӗн тава тивӗҫлӗ строителӗ Энвер Аблякимов хутшӑннӑ.

 «Юлашки пилӗк ҫулта хамӑр пурӑнмалли ҫурт-йӗр условийӗсене 90 пин ытла ҫемье лайӑхлатнӑ. Вӗсенчен 11 пин  ҫын патшалӑх пулӑшӑвӗпе хваттер илнӗ. Ку нумай ачаллӑ тата ҫамрӑк ҫемьесене, ҫавӑн пек пулӑшу кирлӗ ытти категориллӗ ҫынсене валли тӗрев пулнӑ. Икӗ пин ытла хваттер тӑлӑх ачасене уйӑрса панӑ, 2020 ҫул валли уйӑрнӑ черете палӑрмаллах чакартӑмӑр. Правительство тӗллевӗ – ҫак ӗҫе укҫа-тенкӗпе кирлӗ ҫӑлкуҫсемпе тивӗҫтересси, сирӗн вара – пахалӑхлӑ та вӑхӑтра объектсене хута ярасси», – тесе каланӑ строительсене  саламланӑ май, Олег Николаев.

 2020–2025 ҫулсем хушшинче Чӑваш Енре 4,5 млн ытла м²ҫурт-йӗр хута янӑ. Нумай хваттерлӗ 1 300 ытла  нумай хваттерлӗ ҫурта тӗпрен юсанӑ, унта 215 пин ҫын пурӑнать. 1 300 ытла общество уҫлӑхӗпе картишсен территорийӗсене хӑтлӑлатнӑ. Пӗлтӗр кӑна республикӑри адреслӑ инвестици программи шайӗнче 77 объекта тунӑ тата юсаса ҫӗнетнӗ. Вӗсем - шкулсем, ача сачӗсем, социаллӑ центрсем, поликлиникӑсем, инженери  тытӑмӗсем.

«Строительство отраслӗнчи ветерансене асӑнса, ҫакна палӑртса хӑварас тетӗп: шӑпах чи кӑткӑс тапхӑрта вӗсем чылай паха объектсене хута янӑ, эпир паян вӗсемпе чӑннипех те мӑнаҫланайратпӑр. Иртсе пыракан стройиндустрири паллӑ специалистӗн Энвер Аблякимовӑн тӗрӗслевӗ  ҫирӗп пулнине кура,  строительсем вӑхӑтра  дамба хӑпартнӑ, залив тунӑ, Шупашкар центрне Раҫҫейри чи илемлӗ хула зонӗсенчен пӗри пулма витӗм кӳнӗ. Паян ҫак туртӑм вырӑнӗ пирӗн тӗп хуламӑрта пурӑнакансемшӗн кӑна мар, туристсемшӗн те питӗ пысӑк пӗлтерӗшлӗ.  Пуласлӑхри ӗҫсем те самай, Чӑваш Енри хуласен сӑн-сӑпатне тата та илемлӗрех тӑвс тесессӗн, пурсӑмӑрӑн та яваплӑха туйса, тас чунпа, хамӑра шанса панӑ ӗҫсене тулли кӑмӑлпа пурнӑҫламалла», – тесен палӑртса каланӑ хӑйӗн ум сӑмахӗнче Анатолий Аксаков.

Ҫурт-йӗр тӑвакансене ҫавӑн пекех видео мелӗпе  РФ Патшалӑх Думин депутачӗ Алла Салаева саламланӑ: «Строительсен кунӗ – пирӗн республикӑра пурӑнакан мӗнпур ҫын чӗринче хӑйӗн сӑнне туптакан питӗ пысӑк уяв. Ҫамрӑк ҫемьесен ӗмӗчӗсене пурнӑҫа кӗртсе пынӑшӑн тав сӑмахӗ калатӑп. Ачасем хальхи вӑхӑтри хӑтлӑ шкулсемпе ача сачӗсене ҫӳреме пултараҫҫӗ. Пирӗн ял ҫыннисем инҫетри округсене ҫыхӑнтаракан ҫулсем тӑрӑх ҫӳренишӗн питӗ пысӑк тав. Ҫакӑ пурте пурнӑҫ пахалӑхӗ  лайӑх пулнине тепӗр хут ҫирӗплетсе парать. Хуласен пуласлӑхӗ пысӑк. Кулленех строительсен ӗҫӗсем пурсӑмӑра та савӑнтараҫҫӗ», – тенӗ.

Раҫҫей Геройӗсене - СВОна хутшӑнакансене пурӑнмалли ҫурт-йӗр туянма тата тума укҫа тӳлемелли право ҫинчен калакан свидетельствӑсене парса хисеп тунӑ:

Михаил Марцева – Раҫҫей Геройне – тата унӑн амӑшне Зоя Марцевӑна;

Алина Семеновӑна – паттӑрӑн пуҫне хунӑ Дмитрий Семеновӑн Раҫҫей Геройӗн амӑшне, унӑн ывӑлне Руслан Семенова;

Олесьӑпа Алексей Петровсем – паттӑрӑн пуҫне хунӑ Николай Петровӑн РФ Геройӗн ашшӗ-амӑшне;

Сергейпе Алина Александровсене – Раҫҫейӗн вилнӗ Геройӗн Евгений Александровӑн ашшӗ-амӑшне;

Иван Старчкова – Раҫҫейӗн вилнӗ Геройӗн Александр Старчковӑн ашшӗне;

Сергейпе Людмила Егоровсене – Раҫҫейӗн вилнӗ Геройӗн Илья Егоровӑн ашшӗ-амӑшне;

Елена Ильина – Раҫҫейӗн вилнӗ Геройӗн Сергей Ильинӑн амӑшӗ.

«Пирӗн строительство отрасльне тата пурӑнмалли ҫурт-йӗрпе коммуналлӑ хуҫалӑха 2030 ҫулччен аталантармалли уҫӑмлӑ стратеги пур. Тӗп тӗллев – пурӑнмалли ҫурт-йӗрпе тивӗҫтерессине ҫын пуҫне 36 м2-е ҫитересси тата пурӑнмалли ҫурт-йӗр фондне 2019 ҫулхи шайпа 22% ҫӗнетесси. Шупашкар агломерацийӗн мастер-планне малалла пурнӑҫлатпӑр: Марпосад шоссийӗн дублерне масштаблӑ тума пуҫлатпӑр, вӑл Шупашкарти транспорт сетьне пушатать. Наукӑпа вӗренӳ кампусӗ, ҫӗнӗ инфекци больници, ҫӑмӑл атлетика манежӗ, спорт тӗсӗсен керменӗ,  ҫурт-хуласем, микрорайонсенчи шкулсем хута кайӗҫ», – тесе сӑмаха ҫавӑрнӑ  ҫитес ҫулсенчи плансем пирки сӑмах пуҫарнӑ май, Владимир Максимов.

Професси уявӗ ячӗпе тава тивӗҫлӗ наградӑсене строительство отраслӗн чи лайӑх специалисчӗсем тивӗҫнӗ.

«Чӑваш строителӗсем Раҫҫейӗпех паллӑ. Вӗсен ӗҫӗн ҫитӗнӗвӗсемпе кӑтартӑвӗсене ҫӗршывӑн паллӑ объекчӗсенче курма пулать. Паян пирӗн строительсем ҫине республикӑри мӗнпур инвестици проекчӗсемпе плансене пурнӑҫа кӗртессишӗн пысӑк яваплӑх хывнӑ. Ҫак тӗллеве пурнӑҫа кӗртессине шансах тӑратӑп», - тенӗ Энвер Аблякимов.