Правительство ҫуртӗнче кашни эрнесерен ирттерекен планеркӑра тухтӑрсене ҫырӑнмалли тата медицина учрежденийӗсен ӗҫне йӗркелемелли ыйтусене пӑхса тухнӑ. Республика Правительстви ҫынсен ыйтӑвӗсене тишкернӗ, специалист патне лекессин хӑвӑртлӑхӗ мӗнле механизма планпа улӑштарма пултарасси пирки те чарӑнса тӑнӑ.

«Ӗҫлени те сахал мар, кӑтартусем лайӑх. Анчах пуласлӑх валли тумалли уйрӑм самантсем те ҫук мар. Пациентсене пӗлтермелли тытӑма лайӑхлатмалла. Пациент тухтӑр патне маларах ҫырӑнмалли срока ӳстернӗ чухне ҫынсене йышӑнасси пирки темиҫе тапхӑрпа аса илтерсех тӑмалла. Ку пациентсене хӑйсен вӑхӑтне лайӑхрах планлама пулӑшӗ, медицина организацийӗсене йышӑнӑва кӗтекенсем хушшинче пушаннӑ вырӑнсене тепӗр хут пайласа тухмалла. Кун пек чухне тухтӑрсем патне хӑвӑртрах ҫитме те пулӗ», – тесе палӑртса каланӑ Чӑваш Ен Пуҫлӑхӗ Олег Николаев.

Чӑваш Республикин сывлӑх сыхлав министрӗ Лариса Тарасова пӗлтернӗ тӑрӑх, тухтӑрсем патне пыракан пулӑшусенчен ытларахӑшӗ паян дистанцилле йӗркеленет: Патшалӑх пулӑшӑвӗсен порталӗ, контакт-центрсем тата медицина организацийӗсен регистратурисем урлӑ, ҫавӑн пекех MAX чат-бот урлӑ специалистсем патне ҫитме ҫырӑнма хӑтлӑ условисем йӗркелесе панӑ.

Чӑваш Ен Сывлӑх сыхлав министерстви пӗлтернӗ тӑрӑх, 2026 ҫул хушшинче регионта ҫӑхавсен шучӗ икӗ хута яхӑн чакнӑ, апла пулан нимӗнле чӑрмавсемсӗрех тухтӑрсем патне ҫитме пулать, условисем лайӑх пулни те куҫ кӗретех.

Медицина пулӑшӑвӗн юрӑхлӑхне ӳстерме республикӑра «Электронлӑ регистратур витринине» ҫӗнетнӗ. Халӗ регистратурӑпа усӑ курман талонсем пӗр талӑк маларах Патшалӑх пулӑшӑвӗсен пӗрлехи уҫлӑха куҫаҫҫӗ. Пӗр талӑк маларах пациентсене шӑнкӑравласа хыпарлаҫҫӗ.

Ҫав хушӑрах Чӑваш Ен Правительстви электронлӑ сервиссемпе кӑна ӗҫлемест. Пациентӑн мӗншӗн йывӑрлӑхсем сиксе тухнине, хӑш тапхӑрта чӑрмав пулнине ӑнланмалла. «Доступная поликлиника» ведомство проекчӗн шайӗнче Чӑваш Ен Сывлӑх сыхлавӗн специалисчӗсем, экспертсем, волонтерсемпе пациентсем Шупашкарти тӑватӑ поликлиника аудитне ирттернӗ.

Тепӗр тапхӑр – тухтӑр патне визитсене планламалли майсене анлӑлатасси. Тухтӑрсен патне ҫырса пымалли горизонта икӗ хут пысӑклатӗҫ – 14 кунран пуҫласа 28 кун таран.