Иртнӗ эрне пысӑк курӑмлӑ спорт мероприятийӗсемпе пуян пулнӑ. Паллӑ пулӑмсенчен пӗри патшалӑх граждан тата муниципалитет служащийӗсен Пӗтӗм Раҫҫейри Спартакиадин регионсен хушшинчи тапхӑрне Чӑваш Ен ушкӑнӗ хутшӑнни пулнӑ. Ӑмӑртусем Ӗпхӳре авӑн уйӑхӗн  23–26-мӗшӗсенче иртнӗ.

Пирӗн команда республика чысне ҫӳллӗ шайра хутӗленӗ, Атӑлҫи федераци округӗнчи ҫичӗ команда хушшинче виҫҫӗмӗш вырӑн йышӑннӑ.

«Ку вӑл лайӑх кӑтарту! Чӑваш Ен спортпа туслӑ регион пулнине тепӗр хут ҫирӗплетет.  Ҫакӑн пек ҫитӗнӳсен никӗсӗнче – кӑмӑл, ӑс-хакӑл тӗнчи пуянлӑхӗ, команда ӗҫӗ тата чи лайӑххи пулас кӑмӑл. Спорт кулленхи пурнӑҫӑн пайӗ пулни маншӑн питӗ пӗлтерӗшлӗ. Ҫакна валли эпир пӗтӗм республикипе условисем туса паратпӑр, хамӑрӑн та активлӑ пурнӑҫ йӗркин ырӑ тӗслӗхне кӑтартмалла», – палӑртнӑ Чӑваш Ен Пуҫлӑхӗ Олег Николаев.

Пирӗн представительсем ултӑ дисциплинӑра медальсем ҫӗнсе илнӗ. Аслӑ наградӑна – ылтӑна – команда сӗтелҫи теннисӗнче ҫӗнсе илнӗ. Кӗмӗл призерсем пулса чӑваш спортсменӗсем баскетболпа ишевре тӑнӑ. Ҫавӑн пекех  команда пухматӗнче – виҫӗ бронза медаль: футболта, ҫӑмӑл атлетикӑра тата шахматра.

«Республикӑн пӗрлештернӗ команди федерацин Атӑлҫи округӗнче чи вӑйлисенчен пӗрин статусне ҫирӗплетнӗ. Патшалӑх влаҫ органӗсен хушшинче иртекен республика спартакиадине кам выляса илет, ӑмӑртусене хутшӑнать, призлӑ вырӑнсем йышӑнать, вӗсене епле пулсан та преми памалла. Фондсем пурин те пур, кун пек йышӑнма пулать», – палӑртнӑ Чӑваш Республикин Министрсен Кабинечӗн Председателӗ Сергей Артамонов Правительство ҫуртӗнче эрнесерен ирттерекен канашлура.

 «Хамӑрӑн сотрудниксене Ӗпхӳре командировкӑна яма май тупнӑ муниципалитетсен пуҫлӑхӗсемпе ведомствӑсен ертӳҫисене тав тӑватӑп. Иртнӗ эрнери спорт пулӑмӗсем тепӗр хут кӑтартса параҫҫӗ: Чӑваш Енре пурӑнакансем хастар пурнӑҫ йӗркине суйлаҫҫӗ, пирӗн спорт инфратытӑмӗ вара чи пысӑк шайри ӑмӑртусене йышӑнма хатӗр», – тесе сӑмаха ҫвӑрнӑ Чӑваш Ен спорт министрӗ Василий Петров.