Юпа уйӑхӗн 7–8-мӗшӗсенче Чӑваш Республикинче «Ростех» Патшалӑх корпорацийӗн регионти миссийӗ иртнӗ. Ӑна ирттерме республика Пуҫлӑхӗ Олег Николаев палӑртнӑ. Чӑваш Ене тӗп предприятисемпе холдингсен представителӗсем, ҫав шутра КАМАЗ, КРЭТ, Уралвагонзавод, «Швабе» тата ыттисем килсе ҫитнӗ.

Ростех специалисчӗсем 15 енпе  паха йышӑнусем пӑхса хӑварнӑ: медицина оборудованийӗпе электрозаряд инфраструктуринчен пуҫласа робототехника, станкостроени тата цифра платформисем таранах.

Аса илтеретпӗр, ӗҫлӗ миссийӗн пӗрремӗш кунӗнче Госкорпораци тата Раҫҫей Минобрнаукин компетенцисен центрӗ ӑслӑлӑхпа вӗренӳ тытӑмӗн тата экономикӑн чӑн секторӗн ҫыхӑнӑвӗн ыйтӑвӗсене халалланӑ стратегиллӗ сесси ирттернӗ. Тӗп тема университет программисемпе вӗсен тӗпчев повесткине промышленноҫ, ҫавӑн пекех технологи суверенитечӗ валли ҫирӗп партнерла хутшӑнусем йӗркелени пулса тӑнӑ. Сессие Атӑлҫи тӑрӑхӗнчи малта пыракан техникӑпа классика университечӗсен ертӳҫисемпе ӑслӑлӑх ӗҫченӗсем хутшӑннӑ.

Миссийӗн иккӗмӗш кунӗнче, пленарлӑ лару иртнӗ. Унта республика Пуҫлӑхӗ Олег Николаев, «Ростех» Госкорпорацин регионти политики енӗпе ӗҫлекен службин ертӳҫи Дмитрий Азаров, граждансене тивӗҫтермелли таварсен аталанӑвӗн департаменчӗн директорӗ Павел Бурлаченко, ҫавӑн пекех «Раҫҫей машиностроительсен союзӗ» регион уйрӑмӗн председателӗ Сергей Серегин хутшӑннӑ.

Мероприятине пухӑннисене Чӑваш Ен Пуҫлӑхӗ Олег Николаев  тав тунӑ. Республикӑн социаллӑ пурнӑҫпа экономика аталанӑвӗн приоритетӗсем пысӑк технологиллӗ  таварсем калӑплассипе Ростехӑн миссийӗпе туллин тӳр килсе тӑнине  палӑртнӑ Ертӳҫӗ.

«Тӗлпулу – стратегилле партнёрлӑх тата регион промышленноҫ интеграцийӗ Ростехӑн коопераципе тӳр килекен, тата витӗм кӳрекен пӗлтерӗшлӗ утӑм. Промышленноҫа модернизацилемелли приоритетлӑ ҫул-йӗрсене пирӗн суйласси Чӑваш Республикинче Ростех миссийӗ шайӗнче йӗркеленӗ ӗҫ-хӗлпе питӗ тачӑ ҫыхӑннӑ. Плансене детализациленипе тата ӗҫ ушкӑнӗсем йӗркеленипе эпир маларах мала тухма, пӗр-пӗрне пуянлатма, Раҫҫей Федерацийӗн аталанӑвне тивӗҫлӗ тӳпе хывма пултаратпӑр – технологи лидерӗ тата наука тӗпчевӗсен никӗсӗ ҫинче чи ҫӗнӗ йышӑнусем туса усӑ курасси»,  – тесе сӑмаха малалла тӑснӑ Олег Николаев.

Стратеги ҫул-йӗрне тӑватӑ вектор ҫине пайланӑ: интеллектуаллӑ энергетикӑпа электротехника, химипе ҫӗнӗ материалсем, биотехнологисемпе «ӑслӑ» ял хуҫалӑхӗ, интеллектуал транспорт тата  ытти пысӑк технологиллӗ хатӗрсем те.

 Республика индустри енчен пуянлатнӑ производство бази шутланать. Юлашки 5 ҫулта промышленноҫ производствин ӳсӗмӗн хӑвӑртлӑхӗ 94% ытларах ӳснӗ, ку Раҫҫейри вӑтам кӑтартуран (13,2%). ПФО регионӗсем хушшинче Чӑваш Ен 1-мӗш вырӑн йышӑнать, Раҫҫей субъекчӗсен йышӗнчен – 2-мӗш вырӑн. Ҫитӗнӳсем ҫав теи пысӑк.

Республика наукӑпа технологи аталанӑвӗн наци рейтингӗнче 29-мӗш вырӑн йышӑнать, инноваци аталанӑвӗн рейтингӗнче 17-мӗш вырӑнта тӑрать. ВРПра пысӑк технологиллӗ отрасльсен тӳпи 30 процентран иртет.

 «Ростех» Госкорпорацийӗн тӗп тӗллевӗ – пысӑк технологиллӗ таварсене тирпейлесси тата вӗсене малалла яма пулӑшасси. Чӑваш Енре промышленноҫ хӑватлӑн аталанать.  Кунта эпир чӑннипех пысӑк технологиллӗ потенциал куратпӑр. Регион Пуҫлӑхӗ республика экономикине ҫирӗплетме мӗнпур услови туса парать. Эпир килӗштерсе ӗҫлессине анлӑлатни регионӑн социаллӑ пурнӑҫпа экономика аталанӑвӗн хушма импульсне, промышленноҫ предприятийӗсемпе вӗсен ӗҫченӗсем валли ҫӗнӗ майсем уҫассине, ҫавӑн пекех регионта пурӑнакансен ырлӑхӗ ҫине те лайӑх витӗм кӳрессе шанатӑп», – тесе палӑртнӑ Дмитрий Азаров.

 Кун йӗркипе килӗшӳллӗн Павел Бурлаченко доклад тунӑ. Вӑл корпорацин кӑҫалхи проекчӗсемпе паллаштарнӑ.  Сергей Серегин «Раҫҫей машиностроителӗсен союзӗ» Чӑваш регион уйрӑмӗн ӗҫӗ-хӗлӗ тата ҫитӗнӗвӗсем ҫинчен каласа кӑтартнӑ.

Пленарлӑ ларӑва вӗҫленӗ май пӗлтерӗшлӗ ӗҫ хучӗсене алӑ пусса ҫирӗплетнӗ.